قازاقستاندا 1414 قىزمەتىنىڭ اقىلى بولۋى جايلى مالىمدەمە جاسالدى، دەپ حابارلايدى aqshamnews.kz
"ازاماتتارعا ارنالعان ۇكىمەت" مەملەكەتتىك كورپوراسياسى قازاقستان ازاماتتارىنا 1414 بىرىككەن بايلانىس ورتالىعى ارقىلى كورسەتىلەتىن اقىلى قىزمەتتەر تۋرالى تارالعان اقپاراتقا بايلانىستى شۇعىل ۇندەۋ جولدادى.
2025 جىلعى 29 جەلتوقسانداعى رەسمي تۇسىنىكتەمەدە ماماندار بىلاي دەدى:
"ازاماتتاردان ەشقانداي اقى الىنبايدى. بۇل تەك مەملەكەتتىك ورگاندارعا قاتىستى. ماقسات – جەكە كولل-ورتالىقتار قۇرۋ ەمەس، ازاماتتارمەن ءوزارا ارەكەتتەسۋدىڭ ءبىرىڭعاي ارناسىن قالىپتاستىرۋ. بارلىق وتىنىشتەر 1414 بىرىككەن بايلانىس ورتالىعىندا جينالادى".
سونىمەن قاتار، باسقا مەملەكەتتىك ورگاندار وزدەرىنىڭ كولل-ورتالىقتارىن وڭتايلاندىرا الادى جانە قاجەت بولعان جاعدايدا 1414-كە اقىلى نەگىزدە، ءوز قاراجاتى ەسەبىنەن قوسىلا الادى، ازاماتتاردىڭ قاراجاتى ەسەبىنەن ەمەس.