بيىل جەرگىلىكتى بيۋدجەتتەن 20،4 ملرد. تەڭگە قاراجات كوزدەلگەن.
بۇل تۋرالى بۇگىن الماتىدا وتكەن تامىز كەڭەسىندە مەگاپوليس باسشىسى ەربولات دوسايەۆ باياندادى، دەپ حابارلايدى Almaty-akshamy.kz
كونفەرەنسيا قوناقتارى الدىندا بايانداما جاساعان قالا اكىمىنىڭ ءسوزى.
قۇرمەتتى مۇعالىمدەر، پەداگوگتار، كونفەرەنسيا قوناقتارى!
ەلىمىزدىڭ زياتكەرلىك ورتالىعى بولىپ سانالاتىن ءبىزدىڭ ادەمى الماتى قالاسىندا سىزدەردى قارسى الۋعا رۇقسات ەتىڭىزدەر.
ءبىر اپتا بۇرىن مەملەكەت باسشىسى قاسىم-جومارت كەمەل ۇلى توقايەۆ، الماتى قالاسىنا جۇمىس ساپارى بارىسىندا، وڭتۇستىك استانانىڭ ءبىلىم بەرۋىندەگى ساپالى وزگەرىستەردىڭ قاجەتتىلىگىنە تاعى دا باسا نازار اۋداردى. ول الماتى – زاماناۋي ءبىلىم بەرۋدىڭ بارلىق جاڭا ۇردىستەرى مىقتى داستۇرلەرمەن ۇيلەسۋى ءتيىس، ەرەكشە قالا ەكەنىن اتاپ ءوتتى.
ەل پرەزيدەنتى ايتقانداي، بۇكىل ەل اۋماعىندا تاجىريبەنى تاراتۋ ءۇشىن ەڭ وزىق وقىتۋ ادىستەمەلەرىن، ۇزدىك تاجىريبەلەر مەن جوبالاردى ەنگىزۋ ءۇشىن ەكسپەريمەنتتىك الاڭعا اينالۋى وتە ماڭىزدى.
بۇل ءۇشىن مەملەكەت باسشىسى اتاپ وتكەندەي، قالادا ءتيىستى زاماناۋي ينفراقۇرىلىم قۇرىلىپ، بالا ىرگەلى ءبىلىم الۋى ءۇشىن، ال مەكتەپتەگى وقۋ جىلدارى ونىڭ تابىستى مانسابى مەن جالپى ءال-اۋقاتىنىڭ نەگىزىن قالاپ، ونىڭ ومىرىندەگى ەڭ ماڭىزدى جىلدارعا اينالۋى قاجەت.
قۇرمەتتى ءبىلىم سالاسىنىڭ ارداگەرلەرى، مەكتەپ مۇعالىمدەرى، بالاباقشا تاربيەشىلەرى، كوللەدج وقىتۋشىلارى، باسشىلار مەن ۇيىمداستىرۋشىلار، سونىمەن قاتار، كونفەرەنسيا قوناقتارى!
سىزدەردى قالامىزدا قارسى الۋعا جانە الماتى قالاسىنىڭ ءبىلىم بەرۋ جۇيەسىن دامىتۋدىڭ نەگىزگى باعىتتارىمەن تانىستىرۋعا رۇقسات ەتىڭىزدەر.
بىلتىر ءبىز حالىقارالىق وزىق تاجىريبەگە سۇيەنە وتىرىپ، قالانى دامىتۋدىڭ 2025 جىلعا دەيىنگى ورتا مەرزىمدى باعدارلاماسىن قابىلدادىق، وندا نەگىزگى كومپونەنتتەردىڭ ءبىرى ءبىلىم بەرۋ جۇيەسىن دامىتۋ بولىپ تابىلادى. پوليسەنتريستىك دامۋعا نازار اۋدارىپ بىرتىندەپ ءبىز بالالارىمىزدىڭ تابىستى ءارى جاقسى ءومىر ءسۇرۋ ءۇشىن تەرەڭ ءبىلىم مەن ءارتۇرلى داعدىلاردى يگەرۋى ءۇشىن ولاردى وقىتۋعا تەڭ جانە ينكليۋزيۆتى قولجەتىمدىلىك مودەلىن جۇزەگە اسىرامىز.
ارينە، بالالارىمىزدىڭ ءبىلىم الۋىنا نەگىز بولاتىن العاشقى كىرپىش – ساپالى مەكتەپكە دەيىنگى تاربيە.
مەملەكەت باسشىسى قاسىم-جومارت كەمەل ۇلى توقايەۆ ءبىزدىڭ الدىمىزعا بالاباقشالارداعى كەزەكتى ازايتۋ مىندەتىن قويدى. بىرىنشىدەن، ءبىز بۇل ماسەلەنىڭ شەشىمىن جەكە بيزنەستى بەلسەندى تۇردە تارتۋ دەپ بىلەمىز. بيىل الماتىدا 76 جاڭا جەكەمەنشىك مەكتەپكە دەيىنگى ءبىلىم بەرۋ ورتالىقتارىندا 5 330 ورىنعا تاپسىرىس بەرىلگەن (ءقازىردىڭ وزىندە 1،5 ملرد.تەڭگە سوماسىنا 2 630 ورىنعا – 46 ورىن). ءارى ءبىز ءىرى قۇرىلىس سالۋشىلارمەن الەۋمەتتىك ارىپتەستىك تەتىگىن دامىتىپ جاتىرمىز، ونىڭ اياسىندا 2025 جىلعا دەيىن 2 087 ورىنعا ارنالعان 11 تولىققاندى بالاباقشا اشۋدى كوزدەپ وتىرمىز.
قالانىڭ مەملەكەتتىك مەكتەپتەرىندە ساپالى ءبىلىم بەرۋ ءۇشىن باستى سىن-قاتەر وقۋشى ورىندارىنىڭ قازىرگى تاپشىلىعى بولىپ وتىر. الماتى – ەلىمىزدىڭ تۇكپىر-تۇكپىرىنەن جاستار جينالعان قارقىندى دامىپ كەلە جاتقان مەگاپوليس. جىل سايىن قالا حالقى 70 مىڭ ادامعا ءوسىپ، الەۋمەتتىك سالاداعى ساپالى قىزمەتتەر جوعارى سۇرانىسقا يە.
وقۋ جىلى باستالعانعا دەيىن ءبىز تاپشىلىقتى 36%-عا ازايتتىق. الايدا تۋۋ كورسەتكىشى مەن حالىقتىڭ جوعارى كوشى-قونى بۇل ماسەلە ۋشىقتىرا تۇسەدى.
جاڭا وقۋ جىلىندا مەملەكەتتىك جانە جەكەمەنشىك مەكتەپتەرگە 34 300 بالا قابىلداندى. ءبىرىنشى سىنىپقا 12 مىڭنان استام بالا بارعان.
اعىمداعى مىندەتتەردى شەشۋ ءۇشىن اكىمدىك 2024-2025 جىلدارى پايدالانۋعا بەرىلەتىن 5،2 مىڭ ورىنعا ارنالعان 13 مەملەكەتتىك ءبىلىم بەرۋ ۇيىمدارىن جوبالاۋ مەن سالۋدى جالعاستىرۋدا. ءبىز جەكەمەنشىك مەكتەپتەردى اشۋدى قولدايمىز – وسى كەزەڭدە 14،4 مىڭ ورىنعا 19 جەكەمەنشىك ۇيىم قۇرۋدى جوسپارلاپ وتىرمىز، ونىڭ ىشىندە ءىرى قۇرىلىس سالۋشىلارمەن مەموراندۋمدار اياسىندا – 9 مىڭ ورىندىق 10 مەكتەپ.
الماتىدا تاپشىلىق ماسەلەسىن تۇبەگەيلى شەشۋدە «جايلى مەكتەپ» ۇلتتىق جوباسىن ءتيىمدى ىسكە اسىرۋ بولىپ تابىلادى دەپ سانايمىز، ونىڭ اياسىندا 2025 جىلعا دەيىن قالانىڭ بارلىق اۋدانىندا 37،1 مىڭ ورىندىق 22 مەكتەپ سالىندى. ينفراقۇرىلىم سالۋ جانە جەر تەلىمىن كەڭەيتۋ ءۇشىن جەرگىلىكتى بيۋدجەتتە 19 ملرد. تەڭگە قاراستىرىلعان.
وسى شارالاردىڭ بارلىعىن ەسكەرە وتىرىپ، 2026 جىلدان باستاپ مەملەكەتتىك مەكتەپتەردىڭ ءبىر بولىگىن ءبىر اۋىسىمدىق وقىتۋعا بىرتىندەپ كوشىرۋدى كوزدەپ وتىرمىز.
الماتى قالاسىندا قۇرىلىس، ونەركاسىپ جانە قىزمەت كورسەتۋ سالاسى جانە IT-يندۋستريا سالاسىنداعى مامانداردىڭ ۇلكەن تاپشىلىعى بايقالادى.
سوندىقتان ءبىز ءۇشىن ماڭىزدى باسىمدىق تەحنيكالىق جانە كاسىپتىك ءبىلىم بەرۋ جۇيەسىن دامىتۋ بولىپ تابىلادى.
بيىل ءبىز تەحنيكالىق جانە كاسىپتىك ءبىلىم بەرۋ سالاسىنداعى مەملەكەتتىك تاپسىرىستى 16 500 ورىنعا دەيىن ارتتىرىپ، جەرگىلىكتى بيۋدجەتتەن 7،8 ملرد. تەڭگە بولدىك.
بۇعان قوسا، بيىل ءبىز قالالىق تالىمگەرلىك باعدارلاماسىن ەنگىزۋ ارقىلى دۋالدى ءبىلىم بەرۋ مەحانيزمىن قايتا قۇردىق. ستۋدەنتتەردىڭ تاجىريبە جيناۋى ءۇشىن قالا اكىمدىگى ءتۇرلى وندىرىستەگى تاجىريبەلى شەبەرلەرىنىڭ ەڭبەگىنە اقى تولەۋگە قاراجات ءبولدى (انىقتاما: 80 ملن.تەڭگە)، بۇل ءبىلىم بەرۋ جولىنداعى پەداگوگتەردى ىنتالاندىرعانى انىق. سونىمەن قاتار، تەحنيكالىق جانە كاسىپتىك ءبىلىم بەرۋدى دامىتۋ ءۇشىن ءبىز 2025 جىلعا دەيىن 300 ورىندىق جاتاقحاناسى بار جانە 1440 ورىندىق 2 مەملەكەتتىك كوللەدج سالۋدى جوسپارلاپ وتىرمىز
ساپالى ءبىلىم بەرۋدىڭ اجىراماس بولىگى سىنىپتان تىس ءبىلىم بەرۋ بولىپ تابىلادى.
بيىل ماۋسىم ايىندا مەملەكەت باسشىسىنىڭ قاتىسۋىمەن ناۋرىزباي اۋدانىنداعى بالالارعا ارنالعان يننوۆاسيالىق شىعارماشىلىق ورتالىعىنىڭ اشىلۋى قالامىزعا عانا ەمەس، بۇكىل رەسپۋبليكا ءۇشىن ايتۋلى وقيعا بولدى. كەلەسى اپتادا الاتاۋ اۋدانىندا وسىنداي ورتالىق اشىلادى.
بۇل بىرەگەي نىساندار بالالاردىڭ تانىمدىق دەمالىسىنىڭ كلاسسيكالىق جانە زاماناۋي باعىتىنىڭ بىرلەسكەن مىسالى بولىپ تابىلادى.
قادامدىق قولجەتىمدىلىكتى قامتاماسىز ەتۋ اياسىندا ءبىز 2025 جىلدىڭ سوڭىنا دەيىن حالىقارالىق ستاندارتتارعا سايكەس كەلەتىن قوسىمشا ءبىلىم بەرۋدىڭ تاعى 5 زاماناۋي ورتالىعىن جاڭعىرتۋدى جانە سالۋدى جوسپارلاپ وتىرمىز.
«Damu bala» پلاتفورماسىندا شىعارماشىلىق جانە سپورتتىق تاپسىرىستارعا جەرگىلىكتى بيۋدجەتتەن 16،2 ملرد. تەڭگە ءبولىندى.
جالپى، 2025 جىلدىڭ سوڭىنا قاراي قابىلدانىپ جاتقان شارالار ەسەبىنەن تەگىن قوسىمشا بىلىممەن قامتۋ 25%-عا دەيىن ءوسىپ، تەگىن ۇيىرمەلەرگە قاتىساتىن بالالاردىڭ سانىن 60 مىڭعا دەيىن ارتادى.
قۇرمەتتى كونفەرەنسيا قاتىسۋشىلارى!
ءبىزدىڭ بۇگىنگى كونفەرەنسيامىزدىڭ بالالاردىڭ ءال-اۋقاتىنا ارنالۋى كەزدەيسوق ەمەس. مۇنىڭ نەگىزگى كەپىلى – ساپالى ينفراقۇرىلىمدى قامتاماسىز ەتۋدەگى شارالارمەن بىرگە، دۇرىس تاماقتانۋ، قاۋىپسىزدىك، تاسىمالداۋ جانە باسقا دا قوسىمشا جاعدايلار جاساۋ سىندى نەگىزگى قاجەتتىلىكتەرگە بايلانىستى.
ءبىز باستاۋىش سىنىپ بالالارىن تەگىن تاماقپەن قامتاماسىز ەتۋدى جالعاستىرامىز. 2022 جىلى العاش رەت ءبىزدىڭ قالا مەگاپوليس مەكتەپتەرىندە باستاۋىش سىنىپتار مەن الەۋمەتتىك وسال توپتاعى بالالار ءۇشىن ىستىق تاماقتى ۇيىمداستىرۋدىڭ قانشالىقتى ماڭىزدى ەكەنىن كورسەتتى. بيىل وسى ماقساتقا جەرگىلىكتى بيۋدجەتتەن 20،4 ملرد. تەڭگە قاراجات كوزدەلگەن، تەگىن تاماقپەن 133 مىڭنان استام وقۋشى قامتىلادى.
بيىلعى جىلى اكىمدىك قازاق تاماقتانۋ اكادەمياسىمەن جانە ۇلتتىق سالاۋاتتى تاماقتانۋ ورتالىعىمەن بىرلەسىپ «وقۋشىلاردىڭ دەنساۋلىعىن باسقارۋ» مەكتەپ تاعامدارىنىڭ جاڭا مودەلى پيلوتتىق جوباسىن ازىرلەنىپ جاتىر جانە پانەلدىك سەسسيادا ءبىزدى وسى تاقىرىپ بويىنشا قىزىقتى ءارى تانىمدىق پىكىرتالاس كۇتىپ تۇر دەپ سەنەمىن.
بالالاردىڭ قاۋىپسىزدىگى – بۇل بالالاردى قورعاۋ سالاسىنداعى مەملەكەتتىك ساياساتتىڭ باستى باسىمدىعىنىڭ ءبىرى.
بيىل جىل سوڭىنا دەيىن بارلىق 206 مەملەكەتتىك مەكتەپتە، 8 ينتەرناتتا جانە 193 مەملەكەتتىك بالاباقشادا قاۋىپسىزدىك جۇيەسىن ەنگىزۋ اياقتالادى. بۇل جوبا جالپى قۇنى 7،6 ملرد. تەڭگە بولاتىن ءۇش جىلدىق سەرۆيستىك مودەل اياسىندا قارجىلاندىرىلادى.
الماتىدا العاش رەت 2023 جىلدىڭ 1 قىركۇيەگىنەن باستاپ 30 مەكتەپتە «مەكتەپ اۆتوبۋسى» جوباسى ىسكە اسىرىلادى. جەرگىلىكتى بيۋدجەت ەسەبىنەن 100 اۆتوبۋس 5،2 ملرد. تەڭگەگە ساتىپ الىندى جانە تاسىمالداۋ قىزمەتتەرىنە 1،4 ملرد. تەڭگە ءبولىندى. 2023 جىلى 7،7 مىڭنان استام بالا قامتىلادى. ءبىز بۇل جوبانى كەڭەيتۋدى جوسپارلادىق، كەلەسى جىلى 4،8 مىڭنان استام بالانى قامتيتىن 11 مەكتەپكە تاعى 50 اۆتوبۋس ساتىپ الۋدى كوزدەپ وتىرمىز.
قۇرمەتتى مۇعالىمدەر، تاربيەشىلەر مەن تالىمگەرلەر!
بۇگىن مەن سىزدەرگە اقجارما تىلەكتەر ايتقىم كەلەدى، ويتكەنى بالالارىمىزدىڭ بىلىمدە، كاسىپ پەن قوعامدا ءوز ورىن تابۋىندا سىزدەردىڭ ەڭبەكتەرىڭىز زور. بيىل العاش رەت الماتىدا مەكتەپتەر مەن كوللەدجدەردە مۇعالىمدەر 28 مىڭنان استى، ولار ءبىلىم بەرۋدىڭ يگى ءداستۇرىن جالعاستىرادى.
جاس مۇعالىمدەرىمىزدى قولداۋ ءۇشىن ءبىز «الماتى جاستارى» باعدارلاماسى اياسىندا تۇرعىن ۇيمەن قامتاماسىز ەتۋ كۆوتاسىن ارتتىرۋدى جالعاستىرامىز. كەلەسى جىلى ءبىز جاس مۇعالىمدەر ءۇشىن كۆوتالاردى ۇلعايتۋعا نيەتتىمىز.
ساپالى ءبىلىم بەرۋ قىزمەتتەرىن كورسەتۋدىڭ ماڭىزدى ەلەمەنتى ءبىزدىڭ پەداگوگتاردىڭ بىلىكتىلىگىن ۇزدىكسىز ارتتىرۋ. بيىل ءبىز ەكى جىلدىق تاجىريبەگە سۇيەنە وتىرىپ، باسشىلار مەن مۇعالىمدەردى وقىتۋدىڭ كەشەندى باعدارلاماسىن كەڭەيتتىك. ەندى وعان ورتا ءبىلىم بەرۋ مەكتەپتەرىنىڭ مەنەدجەرلەرى مەن مۇعالىمدەرى عانا ەمەس، مەكتەپكە دەيىنگى ۇيىمدار مەن كوللەدجدەر دە كىردى. ينكليۋزيۆتى ءبىلىم بەرۋ مۇعالىمدەرىنىڭ ءبىلىمىن جەتىلدىرۋ جونىندەگى جوبا العاش رەت ىسكە اسىرىلىپ جاتىر، وسى ماقساتقا جەرگىلىكتى بيۋدجەتتەن 7 مىڭعا جۋىق ادامدى قامتيتىن 1،9 ملرد. تەڭگە ءبولىندى. بۇل كۋرستار قازاقستان، سينگاپۋر، ۇلىبريتانيا جانە شۆەيساريانىڭ جەتەكشى ءبىلىم بەرۋ ۇيىمدارىنىڭ بازاسىندا ءوتىپ جاتىر.
قورىتىندىلاي كەلە، مەن كونفەرەنسيانىڭ ءساتتى جۇمىسىن تىلەيمىن جانە پانەلدىك سەسسيالار جەمىستى جانە ءتيىمدى، كونفەرەنسيا ۇسىنىستارى جاڭا پروگرەسسيۆتى وزگەرىستەر مەن يننوۆاسيالاردىڭ كەپىلى بولادى دەپ ۇمىتتەنەمىن.
بارشاڭىزدى كەلە جاتقان ءبىلىم كۇنىمەن شىن جۇرەكتەن قۇتتىقتايمىن جانە بارشاڭىزعا دەنساۋلىق، تابىس جانە اماندىق تىلەيمىن!