ەسىرتكى تاراتقانى ءۇشىن سوتتالعان 1200 ادام شارتتى تۇردە مەرزىمىنەن بۇرىن شىعۋى مۇمكىن. بۇل تۋرالى ىشكى ىستەر مينيسترلىگىنىڭ ەسىرتكى قىلمىسىنا قارسى ءىس-قيمىل كوميتەتىنىڭ ءتوراعاسى قۋاندىق ءالجانوۆ حابارلادى. بۇل تۋرالى Aqshamnews.kz سايتى حابارلايدى.
قۋاندىق ءالجانوۆتىڭ ايتۋىنشا، 2024 جىلدىڭ سوڭىندا «ەسىرتكى زاتتارىنىڭ زاڭسىز اينالىمىنا قارسى ءىس-قيمىلعا قاتىستى» زاڭنامالىق اكتىلەرگە وزگەرىستەر ەنگىزىلدى. جاڭا تالاپتارعا سايكەس، ەسىرتكى ساتۋدى ۇيىمداستىرعاندار مەن ونى تاراتقاندار ءۇشىن جازا ەكىگە ءبولىندى.
بۇرىن ەسىرتكىنى تاراتۋمەن اينالىسقان بارلىق تۇلعالار ءبىر باپ بويىنشا قىلمىستىق جاۋاپكەرشىلىككە تارتىلسا، ەندى ەسىرتكىنى ءار جەرگە جاسىرىپ قويىپ جۇرگەندەر (قولدانۋشىلارعا جەتكىزۋشىلەر) ءبىرىنشى رەت ۇستالسا، شارتتى تۇردە مەرزىمىنەن بۇرىن بوساتۋ قۇقىعىنا يە بولا الادى. الايدا، مينيسترلىك وكىلىنىڭ ايتۋىنشا، ءار جاعداي جەكە قارالاتىن بولادى.
بۇل زاڭ وزگەرىسى قوعامدا قىزۋ تالقىلانۋدا. ءبىر تاراپ بۇل قادام ەسىرتكىمەن كۇرەستى السىرەتەدى دەپ الاڭداسا، ەكىنشى تاراپ جازانىڭ اۋىرلىعى قىلمىسكەرلەردى الەۋمەتتىك بەيىمدەلۋ مۇمكىندىگىنەن ايىرماۋى كەرەك دەپ سانايدى.