11 ماۋسىم كۇنى «The Queens’ Festival» شاحماتتان جاھاندىق ايەلدەر ونلاين فەستيۆالى باستالادى
ونىڭ اياسىندا شاحماتتان قۇرلىقتىق جانە جاھاندىق ايەلدەر ونلاين-تۋرنيرلەرى مەن ۇيرەتۋگە ارنالعان ءىس-شارالار سەرياسى وتەدى، دەپ حابارلايدى Almaty-akshamy.kz. قازاقستان شاحمات فەدەراسياسىنىڭ kazchess.kz. باسپا ءسوز قىزمەتىنە سىلتەمە جاساپ.
ايەلدەر شاحمات كوميسسياسى مەن FIDE ءىس-شارالار كوميسسياسىمەن بىرلەسىپ، ازيا شاحمات فەدەراسياسى، افريكا شاحمات كونفەدەراسياسى، ەۋروپالىق شاحمات وداعى جانە امەريكا شاحمات كونفەدەراسياسىنىڭ قولداۋىمەن ۇيىمداستىرىلعان بىرەگەي، جان-جاقتى ءىس-شارا، شاحمات ءومىرىنىڭ بارلىق اسپەكتىلەرىنە ايەلدەردى قاتىستىرۋ جانە الەمدە ايەلدەردىڭ مىقتى شاحمات قوعامداستىعىن دامىتۋدى كوزدەيدى. Netflix ارناسىندا شىققان «پاتشايىمنىڭ گامبيتى» (Queen's Gambit) سەريالىنىڭ تانىمالدىعى مەن جەتىستىگىنە نەگىزدەلگەن بۇل شارا دۇنيە جۇزىندەگى ايەل شاحماتشىلاردى، شاحمات ويىنىڭ ۇيىمداستىرۋشىلاردى، تورەشىلەردى، ىقپال ەتۋشىلەردى، كوشباسشىلاردى جانە ءتۇرلى دەڭگەيلەردەگى شاحماتشىلاردى بىرىكتىرىپ، كوتەرمەلەيدى. ازيا، امەريكا، افريكا جانە ەۋروپا شاحماتشىلارى «Queens Finals» جەكە جانە كوماندالىق فينالعا ءوتۋ مۇمكىندىگى ءۇشىن الدىمەن ونلاين بليس كۆاليفيكاسيالىق تۋرنيردە ب ا ق سىنايدى. بارلىق قاتىسقىسى كەلەتىندەر قازاقستان شاحمات فەدەراسياسىنىڭ office@kazchess.kz ەلەكتروندى پوشتاسىنا 2021 جىلدىڭ 5 ماۋسىمىنا دەيىن ءوتىنىم تاستاي الادى. قاتىسۋ جارناسى – 10 دوللار. فەستيۆال اياسىندا FIDE باسقارۋشى ديرەكتورى دانا رەيزنيەسە-وزالا مەن قازاقستاندىق گروسسمەيستەر دينارا ءسادۋاقاسوۆا جانە باسقا دا ارنايى قوناقتاردىڭ قاتىسۋىمەن سەمينارلار مەن ءتۇرلى ءىس-شارالار وتەدى.