قالا قۇرىلىسى الەۋمەتتىك ينفراقۇرىلىمدى دامىتۋ مەن كوگالداندىرۋعا باسا نازار اۋدارا وتىرىپ جۇرگىزىلەدى.
بۇل تۋرالى بۇگىن وتكەن وڭىرلىك كوممۋنيكاسيالار قىزمەتى الاڭىندا ق ر قۇرىلىس سالاسى وداعىنىڭ باسقارما ءتوراعاسى ەرالى ساۋرانبايەۆ مالىمدەدى.
الماتىداعى قۇرىلىس كومپانيالارى جاڭا قۇرىلىس ەرەجەلەرىمەن جۇمىس ىستەۋگە دايىن.
ەرالى ساۋرانبايەۆتىڭ ايتۋىنشا، قۇرىلىس سالاسىنىڭ وداعى، سونداي-اق بارلىق قۇرىلىس كومپانيالارى قۇرىلىس ەرەجەلەرىن ازىرلەۋگە باستاماشى بولعان الماتى اكىمى باقىتجان ساعىنتايەۆتىڭ شەشىمىن قولدايدى.
«ءبىز جاڭا ەرەجەلەر اياسىندا جۇمىس ىستەۋگە جانە قابىلدانعان نورمالاردى قاتاڭ ساقتاۋعا دايىنبىز. ءبىز دە قالا تۇرعىندارىمىز جانە سىزدەرمەن بىرگە مەگاپوليستىڭ دامۋىنا الاڭدايمىز»، — دەدى ەرالى ساۋرانبايەۆ.
سپيكەر قالانىڭ ساۋلەت جانە قالا قۇرىلىسى مەملەكەت باسشىسىنىڭ ەرەكشە باقىلاۋىندا ەكەنىن ايتتى. قۇرىلىس سالاسى وداعىنىڭ وكىلدەرى وسى قۇجاتتى ازىرلەۋگە تىكەلەي قاتىستى. بارلىق قابىلدانعان نورمالار حالىقارالىق تاجىريبەگە سايكەس كەلەدى، الماتىنىڭ تاريحي ورتالىعىنىڭ قايتالانباس ناقىشى مەن ساۋلەتتىك كەلبەتىن ساقتاۋعا ارنالدى.
«سونىمەن قاتار قالا قۇرىلىسى الەۋمەتتىك ينفراقۇرىلىمدى دامىتۋ مەن كوگالداندىرۋعا باسا نازار اۋدارا وتىرىپ جۇرگىزەتىن بولادى. الماتى ءومىر سۇرۋگە ىڭعايلى مەگاپوليس رەتىندە، جاسىل قالا مارتەبەسىن ساقتاپ قالۋى ءتيىس»، — دەدى ەرالى ساۋرانبايەۆ.