ۇكىمەت باسشىسى اسقار مامين مونيتورينگتىك توپتاردىڭ جۇمىسىن جانداندىرىپ، مەملەكەتتىك شەكاراداعى ەپيدەميولوگيالىق باقىلاۋدى كۇشەيتۋدى تاپسىردى، دەپ حابارلادى almaty-akshamy.kz
دەگەنمەن، كورشى ەلدەردە جاعدايدىڭ قيىنداعانىن العا تارتتى.
سوندىقتان وڭىرلەردىڭ، اسىرەسە، شەكارالاس وڭىرلەردىڭ اكىمدەرى سانيتارلىق-ەپيدەميولوگيالىق نورمالاردىڭ قاتاڭ ساقتالۋىن قامتاماسىز ەتىلسىن. ناۋقاستانۋ دەڭگەيىنە ناقتى مونيتورينگ جۇرگىزۋ جانە جەدەل شارالار قابىلداپ وتىرۋ قاجەت. مونيتورينگتىك توپتاردىڭ جۇمىسىن جانداندىرۋ كەرەك. دەنساۋلىق ساقتاۋ مينيسترلىگى مەملەكەتتىك شەكارادا ەپيدەميولوگيالىق باقىلاۋدى كۇشەيتسىن، - دەدى اسقار مامين.
سونداي-اق پرەمەر-مينيستر ۆاكسينالاۋ دەڭگەيىنە دە توقتالدى.
- قازىرگى كەزدە بارلىعى 8،2 ميلليوننان اسا ادام ءبىرىنشى كومپونەنتتى، 7،4 ميلليونعا جۋىق ادام ەكىنشى كومپونەنتتى الدى. ۆاكسينا ەگۋ قارقىنى تومەندەپ وتىر، ونى ۇلعايتۋ قاجەت، اسىرەسە، قالىپ كەلە جاتقان وڭىرلەرگە قاتىستى. ماڭعىستاۋ، باتىس قازاقستان، قوستاناي، اقمولا وبلىستارى مەن نۇر-سۇلتان قالاسىنىڭ اكىمدەرى ۆاكسينالاۋ ماسەلەسىن جەكە باقىلاۋعا السىن جانە ونىڭ قاجەتتى دەڭگەيىن قامتاماسىز ەتسىن، - دەدى پرەمەر-مينيستر.
سونىمەن قاتار دەنساۋلىق ساقتاۋ، اقپارات مينيسترلىكتەرىن حالىق اراسىندا ۆاكسينالاۋ مەن ريەۆاكسيناسيالاۋدىڭ ماڭىزدىلىعى تۋرالى، سونىمەن بىرگە دەنساۋلىقتى ساقتاۋدىڭ جالعىز جولى - كوروناۆيرۋسقا قارسى ەكپەنى الۋ ەكەنىن ءتۇسىندىرۋ بويىنشا جۇمىستى جالعاستىرۋ كەرەك دەپ وتىر.