2025 جىلدىڭ ماۋسىمى دەمالىستاردان باستالادى. 1 ماۋسىم – جەكسەنبى، ال 6 ماۋسىم – قۇربان ايت مەرەكەسىنە وراي رەسمي دەمالىس كۇنى. جازدىڭ العاشقى ايىندا ەلدە بىرنەشە ماڭىزدى جاڭالىق پەن وزگەرىستەر بولادى. اqshamnews.kz ءتىلشىسى قازاقستاندىقتاردى ماۋسىم ايىنان باستاپ قانداي وزگەرىس كۇتىپ تۇرعانىن ءتىزدى.
جاڭا حالىقارالىق اۋەكومپانياسى جۇمىسىن باستايدى
1 ماۋسىمنان باستاپ ءباا-نىڭ Air Arabia Abu Dhabi اۋە كومپانياسى قازاقستانعا العاشقى رەيستەرىن باستايدى. ابۋ-دابيدەن الماتىعا دەيىنگى تىكەلەي رەيستەر اپتاسىنا ءۇش رەت: سەيسەنبى، جۇما جانە جەكسەنبى كۇندەرى قاتىنايتىن بولادى. العاشقى ۇشاق 3 ماۋسىمدا ۇشادى دەپ جوسپارلانىپ وتىر.
قوسىمشا پويىزدار ىسكە قوسىلادى
ماۋسىم مەن قىركۇيەك ارالىعىندا جازعى جولاۋشىلار لەگىنە وراي 11 قوسىمشا تەمىرجول باعىتى ىسكە قوسىلادى:
-
الماتى–جالاڭاشكول باعىتىندا ءۇش «تالگو» پويىزى،
-
استانا–دوستىق – اپتاسىنا 2 رەت،
-
الماتى–دوستىق – ەكى كۇندە ءبىر رەت،
-
سەمەي–دوستىق جانە وسكەمەن–دوستىق باعىتتارى – ءار ەكى كۇن سايىن،
-
استانا–الماتى جانە استانا–شىمكەنت پويىزدارى – كۇندەلىكتى قاتىنايدى.
بۇل وزگەرىستەر قوسىمشا 270 مىڭ جولاۋشىنى تاسىمالداۋعا مۇمكىندىك بەرەدى.
سۋرەت: depositphotos.com
سمارتفونداردى تىركەۋ مەرزىمى ۇزارتىلدى
25 ماۋسىمعا دەيىن جەكە تۇلعالار شەتەلدەن اكەلگەن سمارتفوندارىن تەگىن تىركەي الادى. بۇل شارا – جوندەۋدەن وتكەن نەمەسە ۇرلانعان سمارتفونداردىڭ ەلگە زاڭسىز اكەلىنۋىنە جول بەرمەۋ ءۇشىن قولعا الىندى.
-
ءبىر ادام 2 قۇرىلعىنى عانا تىركەي الادى.
-
تىركەۋ eGov Mobile قوسىمشاسى ارقىلى جۇرگىزىلەدى.
ال يمپورتتاۋشىلار ءۇشىن تەكسەرۋ 25 مامىردان باستاپ اقىلى جانە رەسمي قۇجاتتاردى ۇسىنۋ مىندەتتەلەدى.
سۋرەت: depositphotos.com
الماتىدا ەلەكتر ەنەرگياسى قىمباتتاۋى مۇمكىن
1 ماۋسىمنان باستاپ الماتى قالاسىندا ەلەكتر ەنەرگياسىنىڭ تاريفتەرى قايتا كوتەرىلۋى مۇمكىن. قازىرگى جوبا بەكىتىلسە:
-
حالىق ءۇشىن تاريف – 27،59 تەڭگەدەن 29،52 تەڭگەگە دەيىن كوتەرىلەدى.
-
زاڭدى تۇلعالار – 38،66 تەڭگە، ال بيۋدجەتتىك مەكەمەلەر 111،72 تەڭگە تولەيتىن بولادى.
تاريفتەردى كوتەرۋ تۋرالى شەشىم ازىرگە بەكىتىلمەگەن، تابيعي مونوپوليالاردى رەتتەۋ دەپارتامەنتى قاراۋىندا.
سۋرەت: depositphotos.com
مەكتەپ بىتىرۋشىلەر ەمتيحان تاپسىرادى
9 جانە 11 سىنىپ وقۋشىلارى مەملەكەتتىك قورىتىندى اتتەستاسيا تاپسىرادى:
-
9-سىنىپ وقۋشىلارى: 4 پاننەن (ماتەماتيكا، تاڭداۋ ءپانى جانە قازاق/ورىس ءتىلى).
-
11-سىنىپ: 5 ءپان (الگەبرا، قازاقستان تاريحى، تاڭداۋ ءپانى جانە قازاق/ورىس ءتىلى).
ەمتيحان كۇندەرى:
-
سوڭعى ەمتيحان: 9-سىنىپتار ءۇشىن – 10 ماۋسىم،
-
11-سىنىپتار ءۇشىن – 16 ماۋسىم.
-
تۇلەكتەرگە اتتەستات تابىستاۋ: 18-20 ماۋسىم ارالىعى.
سۋرەت: depositphotos.com