الماتىدا تۋريزم باسقارماسىنىڭ باسشىلىعى مەن Thai AirAsia ح اۋە كومپانياسىنىڭ باس اتقارۋشى ديرەكتورى پاتترا بۋساراۆونگسە باستاعان دەلەگاسيا كەزدەستى. ءوزارا جۇرگىزىلگەن كەلىسسوزدەر ناتيجەسىندە بانگكوك-الماتى جاڭا تىكەلەي اۋە رەيسى اشىلاتىن بولدى. العاشقى رەيس 2025 جىلى 1 جەلتوقساندا جوسپارلانىپ وتىر.
الماتىنىڭ تۋريزم باسقارماسى وڭتۇستىك-شىعىس ازيا ەلدەرىنەن كەلگەن ساياحاتشىلار تاراپىنان قالاعا دەگەن قىزىعۋشىلىقتىڭ تۇراقتى ءوسىپ كەلە جاتقانىن اتاپ ءوتتى. رەيستى اشۋ جانە AirAsia-مەن بىرلەسكەن ماركەتينگتىك باستامالار الماتىنى حالىقارالىق ارەنادا بارىنشا قولجەتىمدى ءارى تانىمال تۋريستىك باعىتقا اينالدىرادى.
بانگكوكتا ورنالاسقان Thai AirAsia ح اۋە كومپانياسى 2013 جىلى قۇرىلعان. تاسىمالداۋشى مالايزيانىڭ AirAsia X جانە Thai AirAsia بىرلەسكەن كاسىپورنى بولىپ تابىلادى. بۇگىندە اۋە كومپانياسى بۇكىل ازيا بويىنشا الىس مارشرۋتتاردا ۇشۋدىڭ جايلىلىعىن قامتاماسىز ەتەتىن توعىز اۋە كەمەسىن باسقارادى.
الماتىنى وڭتۇستىك-شىعىس ازيا نارىعىندا تانىتۋ اياسىندا «الماتى تۋريزم بيۋروسى» ج ش س AirAsia اۋە كومپانياسى اراسىندا سەرىكتەستىك ورناعان. قازىرگى ۋاقىتتا مالايزيا مەن سينگاپۋر اۋديتورياسىنا باعىتتالعان اۋقىمدى digital-الەۋمەتتىك مەديا ناۋقانى جۇزەگە اسىرىلىپ جاتىر. ناۋقان اياسىندا AirAsia لوگوتيپى بار كۋالا-لۋمپۋر - الماتى تىكەلەي رەيسىنىڭ اشىلعانىن كورسەتەتىن بەينەروليكتەر مەن كورنەكى ماتەريالدار جاريالانادى. ونىڭ بارىسىندا 70 ميلليونعا دەيىن كورسەتىلىم ۇسىنىلادى. بۇل الماتىنىڭ ءوڭىر ساياحاتشىلارى اراسىندا تانىمالدىلىعىن ايتارلىقتاي ارتتىرۋعا مۇمكىندىك بەرەدى.
سونىمەن قاتار، AirAsia وفلاين ىلگەرىلەتۋدى دە دايىنداپ وتىر: كۋالا-لۋمپۋر مەن سينگاپۋردا الماتىنىڭ كورىكتى جەرلەرى، تاۋ پەيزاجدارى، كوكتوبە اسپالى جولى، «مەدەۋ» مۇز ايدىنى جانە قالانىڭ باسقا دا كورنەكى ورىندارى بەينەلەنگەن جارقىن بيلبوردتار پايدا بولادى. وندا Visit Almaty جانە AirAsia لوگوتيپتەرى قويىلادى. بۇل سەرىكتەستىكتىڭ قۇندىلىعىن كورسەتەدى جانە الماتى برەندىنىڭ ءوڭىردىڭ تۋريستىك نارىعىندا لايىقتى ورىن الۋىنا ىقپال ەتەدى.