الماتى قالاسىنىڭ ورتالىق قالالىق كلينيكالىق اۋرۋحاناسىندا كۇردەلى ەندوۆاسكۋليارلىق وتا — سول جاق بۇعانااستى ارتەرياسىنىڭ ساعاسىنا ستەنت قويۋ (ستەنتتەۋ) ءساتتى جۇرگىزىلدى.
وتانى قان تامىرلارى حيرۋرگى سۇلتان يلييەۆ جاسادى. ناۋقاستا ءجيى باس اۋرۋى، باس اينالۋ، فيزيكالىق جۇكتەمەدەن كەيىن ەسىنەن تانۋ جانە قۇلاقتاعى شۋ سىندى ستيل سيندرومىنىڭ بەلگىلەرى بايقالعان.
مۇنداي بەلگىلەر مي مەن اياق-قولداعى قان اينالىمىنىڭ بۇزىلۋىنا بايلانىستى تۋىندايدى.
تەكسەرۋ ناتيجەسىندە بۇعانااستى ارتەرياسىنىڭ ساعاسىندا اتەروسكلەروزدىق تارىلۋ (ستەنوز) انىقتالدى. قالىپتى قان اينالىمىن قالپىنا كەلتىرۋ ءۇشىن ستەنتتەۋ جاسالىپ، قان تامىرىنىڭ تارىلعان بولىگى كەڭەيتىلىپ، قان اينالىمى قالپىنا كەلتىرىلدى.
وتادان كەيىن ناۋقاستىڭ جاعدايى ەداۋىر جاقساردى. باس اينالۋ مەن ەسىنەن تانۋ توقتاپ، دەنساۋلىعى تۇزەلدى.
مۇنداي جوعارى تەحنولوگيالى وتالار ورتالىق قالالىق كلينيكالىق اۋرۋحانادا زاماناۋي انگيوگرافيالىق جابدىقتا جۇرگىزىلەدى.
بۇل ءادىس قان تامىر اۋرۋلارىن اشىق حيرۋرگيالىق وتاسىز ءتيىمدى ەمدەۋگە، وڭالۋ كەزەڭىن قىسقارتۋعا جانە ناۋقاستاردىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى.