Vasılıı Jırovtyń esimi Qazaqstan atynan alǵashqy bolyp Dańq zalyna endi

Bul tizimge Muhammed Álı, Djo Freızer, Maık Taıson, t.b ataqty boksshylar kirgen.

Atlanta Olımpıadasynyń jeńimpazy Vasılıı Jırovtyń esimi Qazaqstan atynan alǵashqy bolyp Dańq zalyna endi, dep habarlaıdy Almaty-akshamy.kz.

Sýret: AP Photo

Dańq zaly — álemdik boks tarıhynda aıtarlyqtaı iz qaldyryp, mansabyn aıaqtap ketken boksshylar kommısıa sheshimimen kiredi. Bul tizimge Muhammed Álı, Djo Freızer, Maık Taıson, t.b ataqty boksshylar kirgen. 

Jerlesimiz áýesqoı boksta 2 márte álem chempıonatynyń qola júldegeri atanyp, Atlanta Olımpıadasynda top jarǵan. Sondaı-aq eń myqty boksshyǵa beriletin «Vel Barker» kýbogyn ıelengen. 

Kásipqoı boksta 1997-2009 jyldar ara­lyǵynda 42 márte sharshy alańǵa shyqqan. 38 ret jeńis toıy­n (3 jeńilis, 1 teń) toılady. 32 qarsylasyn nokaýtqa jiberdi. 1999 jyldyń 5 maýsymynda AQSH-tyń Mıssısıpı shtatyndaǵy Bıloskı qalasynda IBF nusqasy boıynsha birinshi aýyr salmaqtaǵy chempıondyq belbeýi úshin talasyp, jergilikti boksshy Artýr Ýılámsty jetinshi raýndta jeńdi. 

Chempıondyq ataǵyn 4 jyl boıy qorǵap, 2003 jyly Djeıms Tonıden alǵash ret mansabynda jeńilgen.