Jalpy, koronavırýs ınfeksıasynan 4 969 adam, onyń ishinde vaksına alǵan 115 adam qaıtys boldy.
Densaýlyq saqtaý mınıstri Alekseı Soı vaksına alǵannan keıin koronavırýstan qaıtys bolǵandar sanyn jarıa etti, – dep habarlaıdy almaty-akshamy.kz QazAqparatqa silteme jasap.
«Jalpy, koronavırýs ınfeksıasynan 4 969 adam, onyń ishinde vaksına alǵan 115 adam qaıtys boldy. Iaǵnı, bul jalpy qaıtys bolǵandardyń 2,5 paıyzy. Qaıtys bolǵandardyń basym bóligi, 97,7 paıyzy vaksına almaǵandar. Bizde óńirler ishinde de málimetter bar. Vaksına alǵannan keıin qaıtys bolǵan adamdardyń sozylmaly aýrýlary bolǵan. Dál osy jaıt olardyń jaı-kúıleriniń nasharlaýyna jáne ómirden ozýyna sebep bolǵan», – dedi mınıstr Ortalyq komýnıkasıalar qyzmetindegi baspasóz máslıhatynda.
Onyń atap ótýinshe, sozylmaly aýrýlary bar azamattarǵa vaksına alýǵa keńes beriledi. Óıtkeni, olar qater tónetin topqa jatady.
«Biraq, taǵy da qaıtalap aıtqym keledi, qaıtys bolǵan azamattardyń basym bóligi vaksına almaǵan. Kúrdeli aýrýlardyń barlyǵy semizdik, qant dıabeti, júrek-qan tamyr júıesindegi, tynys alý júıesindegi aýrýlarǵa baılanysty», – dedi ol.