Almatynyń eki aýdanynda sý baǵasy arzandady
Alǵabas jáne Aqbulaq shaǵyn aýdandarynda sý tarıfi tómendedi, dep habarlady Almaty-akshamy.kz egemen.kz silteme jasap.
QR Ulttyq ekonomıka mınıstrligi Tabıǵı monopolıalardy retteý komıteti departamentiniń qyzmetkerleri taldaý júrgizgen. Nátıjesinde bekitilgen tarıftik smetanyń shyǵyn baptary 5 paıyzdan artyq oryndalmaǵany jáne Ulttyq banktiń bazalyq mólsherlemesin eskere otyryp, negizsiz kiris somasy Alǵabasta 12 470 340 teńge, al Aqbulaqta - 3 003 340 teńge bolǵany anyqtaldy.
Endi Alǵabasta sýmen jabdyqtaý qyzmetiniń tarıfi 35,26 teńgege arzandap, QQS esebinsiz tekshe metrge 69,00 teńge boldy. Bul qoldanystaǵy tarıftiń 33,81 paıyzy (qoldanystaǵy tarıf - 104,26 teńge/m3). Jeńildetilgen tarıfti qoldanylý merzimi 2021 jyldyń 1 qarashasynan 2022 jyldyń 31 qazanyna deıin.
Al Aqbulaqtaǵy tarıf 26,63 teńgege arzandaǵan, QQS-syz 60,64 teńge/m3 nemese qoldanystaǵy tarıftiń 30,5 paıyzy (qoldanystaǵy tarıf - 87,27 teńge / m3). Jeńildetilgen tarıfti qoldanylý merzimi 2021 jyldyń 1 qazanynan 2022 jyldyń 30 qyrkúıegine deıin.