1991 jyldan beri respýblıkaǵa 1 mıllıon 90,1 myń etnıkalyq qazaq oraldy.
2022 jylǵy 1 sáýirdegi jaǵdaı boıynsha, 3 078 etnıkalyq qazaq tarıhı otanymen tabysyp, qandas mártebesin aldy, dep habarlady Almaty-akshamy.kz
«Jyl basynan Qazaqstanǵa kelgen qandastardyń jartysynan kóbi (66,3%) Ózbekstannan, 11,3% – Qytaıdan, 10,9% – Túrikmenstannan, 2,2% – Mońǵolıadan jáne 9,3% basqa elderden», - delingen Eńbekmıni baspasóz qyzmetiniń habarlamasynda.
Kelgen etnıkalyq qazaqtar negizinen Almaty (30,2%), Mańǵystaý (19%), Túrkistan (11,4%) jáne Jambyl (5,9%) oblystaryna, sondaı-aq Almaty (6,5%), Nur-Sultan (7,1%) jáne Shymkent (7,6%) qalalaryna qonystandy.
Aǵymdaǵy jylǵy 1 sáýirdegi jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 62,7%-dy, eńbekke qabiletti jastan kishi 23,2%-dy jáne zeınetkerler 14,1%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 11,5%-y joǵary bilimdi, 39,6%-y orta kásibı bilimdi, 47%-y jalpy orta bilimdi jáne 1,8%-ynyń bilimi joq.