Sý resýrstary jáne ırrıgasıa mınıstri Nurjan Nurjigitov Tashkentte ótken Qazaqstan, Qyrǵyzstan jáne Ózbekstan sý sharýashylyǵy jáne energetıka vedomstvolary basshylarynyń kezdesýine qatysty.
Sondaı-aq, jıynǵa QR Energetıka mınıstri Almasadam Sátqalıev, Ózbekstannyń Sý sharýashylyǵy mınıstri Shavkat Hamraev, Ózbekstannyń Energetıka mınıstri Jýrabek Myrzamahmýdov, Qyrǵyzstannyń Energetıka mınıstri Taalaıbek Ibraev qatysty. Qonaq retinde Ázirbaıjan Energetıka mınıstriniń orynbasary Kamal Abbasov qatysty.
Otyrysta óńirdegi sý-energetıkalyq yntymaqtastyq máseleleri qaraldy. Condaı-aq, Qazaqstannyń ońtústigindegi egis alqaptaryn sýarýǵa sý alynatyn Qyrǵyzstandaǵy Toqtaǵul sý qoımasynyń aldyn ala jumys kestesi qaraldy.
Bul is-sharalar 2025 jyldyń sýarý kezeńinde paıdalaný úshin Toqtaǵul sý qoımasynda qajetti sý kólemin ustap turýǵa baǵyttalǵan.
«Sý-energetıka salasy - bizdiń memleketterimiz úshin yntymaqtastyqtyń mańyzdy baǵyty bolyp tabylady. Bıylǵy jyl óńirdegi tyǵyz qarym-qatynasty damytýdyń jarqyn úlgisi boldy. Birlesip qabyldanǵan is-sharalardyń nátıjesinde biz sý qajettilikterin qanaǵattandyra aldyq. Birinshi kezekte, Soltústik Aral teńizine sý jiberý jospary oryndaldy. Kúzgi-qysqy kezeńnen qaýipsiz ótý jáne kelesi jyly sharýalardy sýarmaly sýmen turaqty qamtamasyz etý úshin qol jetkizilgen kelisimderdi ustanýdy jalǵastyramyz», – dedi Sý resýrstary jáne ırrıgasıa mınıstri Nurjan Nurjigitov.