Nátıjesinde zańsyz aınalymnan «mefedron»,«álfa-PVP» jáne 659 tabletka MDMA tárkilendi.
Ulttyq qaýipsizdik komıteti arnaıy operasıa kezinde psıhotropty zattardy satýǵa qatysy bar kúdiktini ustady, dep habarlaıdy Almaty-akshamy.kz.
«26 shildede UQK Nur-Sultan qalasy boıynsha departamenti asa iri kólemdegi psıhotropty zattardy satýǵa qatysy bar kúdikti «A» esimdi elordalyq turǵyndy ustady»,- delingen UQK baspasóz qyzmetiniń habarlamasynda.
Prosesýaldyq is-shara barysynda zańsyz aınalymnan 1,5 kg «mefedron», 1,4 kg «álfa-PVP» jáne 659 tabletka MDMA («ekstazı» dep aıtylatyn) tárkilendi.
Tergeý esirtkini astanamyzdyń ortalyǵynda jaldamaly páterde orap, Internet onlaın alańy arqyly turaqty túrde satylǵanyn anyqtady.
Atalǵan fakti boıynsha QR QK 297-baby 3-bóligi boıynsha tergeý júrgizilýde, 15 jylǵa deıingi merzimge bas bostandyǵynan aıyrý jazasy qarastyrylǵan.
Ulttyq qaýipsizdik komıteti esirtki jáne psıhotroptyq zattardy zańsyz taratýǵa qarsy jumystardy jalǵastyrýda.