Bul júıege 6,6 mln jumys isteıtin azamat qatysady.
Mamandar Qazaqstandaǵy mindetti áleýmettik saqtandyrý júıesiniń artyqshylyqtary týraly aıtty,dep habarlaıdy Almaty-akshamy.kz.
Mindetti áleýmettik saqtandyrý júıesine shamamen 6,6 mln jumys isteıtin azamat qatysady jáne 1,1 mln astam adam jyl boıy áleýmettik tólemder alady. Bul týraly Ortalyq komýnıkasıalar qyzmetinde ótken brıfıńte «Memlekettik áleýmettik saqtandyrý qory» AQ bas dırektory Nursulý Kemel aıtty, dep habarlaıdy Almaty-akshamy.kz.
Qazaqstandyqtar úshin mindetti áleýmettik saqtandyrý júıesiniń artyqshylyqtary týraly aıta otyryp, spıker 2005 jyldan bastap áleýmettik táýekelder týyndaǵan kezde jumys isteıtin azamattardy áleýmettik qorǵaýdyń qosymsha deńgeıi retinde áleýmettik saqtandyrý júıesi engizilgenin atap ótti. Mindetti áleýmettik saqtandyrý júıesiniń qarjy resýrstary jumys berýshilerdiń jumyskerler úshin, sondaı-aq jeke kásipkerlerdiń jáne jeke praktıkamen aınalysatyn adamdardyń ózderi úshin tóleıtin áleýmettik aýdarymdary esebinen qalyptasady.
Mindetti áleýmettik saqtandyrý yntymaqtastyq qaǵıdattaryna negizdelgen, óıtkeni áleýmettik aýdarymdar barlyq jumys isteıtin azamattar úshin tólenedi, al tólemderdi eńbek etý qabiletinen aıyrylý, asyraýshysynan aıyrylý, jumysynan aıyrylý, júktiligi men bosanýyna, sondaı-aq 1 jasqa deıingi balanyń kútimine baılanysty tabysynan aıyrylý jaǵdaılaryna áleýmettik táýekeli bar adamdar ǵana ala alady.