Ǵalymdar jasaǵan myna bir tájirıbege nazar aýdaryńyzshy.
Olar tyshqandy sý toltyrylǵan ydysqa salyp, ómiri úshin qansha mınýt júze alatynyn eseptemekshi bolady. Sóıtse, álgi tyshqan 16 mınýt qana júzip, sýǵa batyp ketken. Dereý sýdan shyǵaryp alyp, 10 mınýt demaldyryp, sýy bar ydysqa qaıta salady. Bul joly 60 saǵat júzip baryp batqan. Ózge tyshqandarǵa jasalǵan tájirıbelerdiń nátıjeleri de osyndaı bolǵan. Iaǵnı tyshqan ómir úshin ekinshi joly alǵashqysyna qaraǵanda 225 ese artyq ýaqyt kúresken.
Ǵalymdardyń túıindegeni: sýdaǵy tyshqan birinshi joly fızıkalyq múmkindigin ǵana paıdalanyp kúresken.
Al ekinshisinde «Álginde sál shydaǵanymda meni shyǵaryp alady eken, erterek batyp ketippin. Taǵy sál shydasam, meni shyǵaryp alady» degen úmitpen 60 saǵat boıy kúresken. Sonda tyshqan tájirıbesinen shyǵatyn qorytyndy: adamzatty alǵa súıreýshi kúsh – úmit.
Úmitsiz adam óziniń tek fızıkalyq múmkindigine ǵana táýeldi. Al árdaıym úmitin úkilep júretin jandar maqsatyna mindetti túrde jetedi degen sóz.