Ramazan – Quran túsken qasıetti aı. Bul aıda oraza ustaǵandarǵa sansyz saýap syılanyp, duǵa-tilekteri qabyl bolady. Alla Elshisi (Oǵan Allanyń ıgiligi men sálemi bolsyn) bylaı dep aıtqan: «Shynynda, Alla Taǵalanyń aldynda sondaı adamdar bar: Alla olardy Ramazannyń árbir kúndizi men túninde ottan bosatady jáne, shynynda, árbir musylman Ramazannyń túninde de, kúndizinde de óziniń duǵasyna jaýap alyp otyrady».
Ramazan – Quran túsken qasıetti aı. Bul aıda oraza ustaǵandarǵa sansyz saýap syılanyp, duǵa-tilekteri qabyl bolady. Alla Elshisi (Oǵan Allanyń ıgiligi men sálemi bolsyn) bylaı dep aıtqan: «Shynynda, Alla Taǵalanyń aldynda sondaı adamdar bar: Alla olardy Ramazannyń árbir kúndizi men túninde ottan bosatady jáne, shynynda, árbir musylman Ramazannyń túninde de, kúndizinde de óziniń duǵasyna jaýap alyp otyrady».
Taǵy da qaıtalap aıtaıyq, Ramazan aıy – Quran aıy! Bul múbárak aıda Alla Taǵalanyń kúlli adamzatqa jibergen sońǵy kitaby – Quran Kárim túskendikten, múmınder osy aıda qasıetti kitapty kóbirek oqyp, maǵynalaryn zerdelep, amaldar qoldanýy lázim.
Negizi orazany adamzatqa berilgen zor múmkindik dep aıtýǵa bolady. Kúnálardan qulan-taza aıyǵýǵa, jaqsylyqqa ózgerýge, nápsini tárbıeleýge, taqýalyqqa jetýge, zor tabysqa ıe bolýǵa, suraǵany berilýge, taýsylmaıtyn nyǵmetter men máńgilik baqytqa bólenýge berilgen erekshe múmkindik.
Oraza – naǵyz sabyrlylar men ustamdylardyń, Rabbysynyń razylyǵy men shyn baqytty izdeýshilerdiń synalar shaǵy bul. Bul rette biz birnárseni umytpaýymyz kerek. Qıyndyq kúsheıgen saıyn onyń saýaby da eselenip beriledi. Máselen, Alla Elshisi (ol kisige Allanyń ıgiligi men sálemi bolsyn) Aısha anamyzǵa qoshtasý qajylyǵynda: «Saýabyń sharshaǵanyńa baılanysty», – degen. Sondaı-aq, Paıǵambarymyz (s.ǵ.s.) qatty sýyqta tolyq dáret alǵan adamǵa eki ese kóp saýap beriletinin aıtqan bolatyn. Onymen qosa, Qurandy qatesiz, kórkem oqýshyǵa Qurannyń ár árpi úshin on saýap jazylsa, al qınalyp, durys oqyǵan adamǵa jıyrma saýap jazylady.
Taǵy bir aıta keter másele, biz oraza degende tek deneniń orazasyn oılamaýymyz kerek. Oraza denemen qatar rýhanı jaǵynan da tyıylýdy kózdeıdi. Jemek-ishpekten aýlaq bolyp, aýzyna, kózine, tiline, qulaǵyna oraza ustatpaǵan adamnyń orazasy tolyq bolmaıdy. Ondaı adam tek ash turǵanmen teń bolady. Alaıda, orazadaǵy maqsat – denege hám rýhqa oraza ustatý, ǵaıbattan, haramǵa qaraýdan, haramdy estýden, ótirik aıtýdan, jaman sózder aıtýdan, jala jabýdan tyıylý. Sol sebepti, Paıǵambarymyz bir hadısinde: «Ótirik aıtýdy nadandyq kezindegideı tastamaǵan oraza ustaýshynyń iship-jeýdi tastaýyna Alla Taǵalanyń muqtajdyǵy joq!» – degen. Sondyqtan buǵan óte uqyptylyqpen, saqtyqpen qaraǵanymyz jón.
Qasıetti Quranda bylaı dep aıtylady:
«Ramazan aıy sondaı bir aı, ol aıda adam balasyna týra jol jáne (aq pen qarany) aıyratyn dálel túrinde Quran túsirildi. Senderden kim Ramazan aıynda bolsa, oraza ustasyn. Al bireý naýqas ne saparda bolsa, basqa kúnderde sanyn toltyrsyn. Alla senderge ońaılyq qalaıdy, aýyrlyq qalamaıdy. Senderdi týra jolǵa salǵan Allaǵa shúkirlik etýleriń úshin sanyn toltyryńdar ári Allany ulyqtańdar!» (Baqara súresi, 185-aıat).
Al eger kimde-kim Ramazanda ádeıi eshqandaı sebepsiz orazasyn buzsa, oǵan káffarat retinde bir quldy nemese kúńdi azat etýi, eger oǵan shamasy jetpese, eki aı qatarynan oraza ustaýy, eger buǵan da kúshi jetpese, alpys joq-jitikti tamaqtandyrýy tıis. Quranda bul jaıly bylaı delinedi:
«Bastaǵan izgi isterińdi buzbańdar». Paıǵambarymyz bylaı deıdi: «Kimde-kim Ramazanda orazasyn buzsa, oǵan zıhar jasaǵan adamǵa tıisti (káffarat) júkteledi».