Buǵan deıin Birikken Koróldikke at basyn tiregen árbir jolaýshy qaıda toqtaǵany týraly esep berip, arnaıy saýalnama toltyrýy kerek-ti. Al ekpe saldyrmaǵan nemese vaksınanyń tolyq kýrsyn qabyldamaǵan saıahatshy elge kelerde jáne kelgennen keıin kovıd-test tapsyryp, koronavırýs anyqtalǵan jaǵdaıda oqshaýlanýy tıis bolatyn. Aldaǵy jumadan bastap, bul talaptardyń barlyǵy kúshin joıady.
Londondaǵy eń iri áýejaılardyń biri Hıtroý tipti ǵımarat ishinde betperde taǵyp júrýdi mindettemeıdi. Úkimettegiler mundaı jetistikti vaksınalaý baǵdarlamasynyń sátti ótýimen baılanystyrady.
- Vaksınalaý deńgeıi óte joǵary ekenin bilemiz. Bizdiń el bul turǵyda kósh bastap tur. Jalpy, álemde de ekpe saldyrý boıynsha ilgerileýshilikter bar. Shynyn aıtqanda, búginde saıahattaý qaýipsiz bola tústi. Álbette, bul kovıdke shaldyqqandar erejege baǵynbaı, qydyrsyn degen sóz emes. Biraq kópten beri jaqyndaryn kórmegen koronavırýsy joq adamdar úshin bul jaqsy jańalyq bolaıyn dep tur. Qaǵazbastylyq pen shekteýler alynyp tastalsa, el aralaý jeńildeı túsedi, - dedi Ulybrıtanıa Kólik mınıstri Grant Shapps.
Resmı statısıkaǵa sáıkes, elý eki mıllıonǵa jýyq brıtanıalyq ekpeniń birinshi dozasyn, qyryq toǵyz mıllıon adam ekinshi jáne otyz segiz mıllıony býsterlik vaksınany alyp úlgergen.