Ulttyq mýzeıde «Muradaǵy órnekter: Ózbekstannyń keste jáne tigin dástúrlerine saıahat» atty halyqaralyq kórme ashyldy, dep habarlaıdy aqshamnews.kz
Ekspozısıada Ózbekstannyń 6 jetekshi mýzeıi qorynan 122 biregeı qolóner týyndysy usynyldy:
Ózbekstannyń Qoldanbaly óner memlekettik mýzeıi;
Tımýrıdter tarıhynyń memlekettik mýzeıi;
Samarqand memlekettik mýzeı-qoryǵy;
Ózbekstan memlekettik óner mýzeıi;
I.V. Savıskıı atyndaǵy Qaraqalpaqstan memlekettik óner mýzeıi;
Buhara memlekettik mýzeı-qoryǵy.
Kórmege XIX-XX ǵǵ. tıesili altyn jippen kestelengen ulttyq kıim úlgileri, zergerlik buıymdar, dástúrli aıaq kıim men aksesýarlardyń biregeı úlgileri qoıyldy. Bul óner týyndylary – qoldan jasalǵan jaýharlar ǵana emes, sonymen qatar Ortalyq Azıanyń mádenı murasyn beıneleıtin tereń sımvolızmniń kórinisi.
«Bul kórmeniń biregeıligi – Ózbekstannyń jetekshi mýzeıleriniń baǵa jetpes jádigerlerimen tanysýǵa múmkindik berýinde. Osyndaı mańyzdy sharany uıymdastyrǵan áriptesterimizge shynaıy alǵysymyzdy bildiremiz. Mundaı is-sharalar mádenı baılanystardy nyǵaıtyp, halyqtar arasyndaǵy dostyqty tereńdetýge zor úles qosady», - dep atap ótti QR Mádenıet jáne aqparat vıse-mınıstri Evgenıı Kochetov.
Kórme 2025 jyldyń 1 maýsymyna deıin kópshilik nazaryna usynylady.