BATYR BEINESI koleksıalyq monetalardy shyǵara bastady.
Qazaqstanda BATYR BEINESI koleksıalyq monetalar aınalymǵa shyǵartyn boldy. Bul týraly mamyrdyń 18 kúni Ulttyq banktiń baspasóz qyzmeti jarıalady, dep habarlaıdy Almaty-akshamy.kz.
18 mamyrda daryndy kompozıtor jáne ánshi Batyrhan Shúkenovtiń týǵanyna 60 jyl tolady. Nomınaly 500 teńgelik kúmisten jasalǵan Street art. BATYR BEINESI koleksıalyq monetalary «Qazaqstandy monetalar arqyly tany» atty jańa serıany ashady.
«Street art. BATYR BEINESI jańa monetasy zamanaýı óner men Batyrhan Shúkenovti máńgi este qaldyrý sekildi birden eki maǵynalyq jelini biriktiredi. Bul – QUB-tyń strıt-art sıaqty qazirgi zamanǵy jastar ónerin qoldaýǵa arnalǵan alǵashqy kollaborasıalyq moneta jobasy»,- delingen Ulttyq bank habarlamasynda.
Monetanyń dızaınynda Qazaqstan strıt-artynyń eń jarqyn jumystarynyń biri — REPAS komandasynyń «Batyr beınesi» graffıtıi beınelengen. Avtorlardyń bastamasy boıynsha ony monetanyń dızaınynda paıdalaný quqyǵy QUB-qa óteýsiz negizde berildi.
Monetalar proof sapamen kúmisten jasalǵan, synamasy – 925/1000, salmaǵy – 31,1 gram, dıametri – 38,61 mm, nomınaly – 500 teńgelik, taralymy – 5 000 dana.
Koleksıalyq monetalar naqty qunyna saı Qazaqstan Respýblıkasynyń búkil aýmaǵynda tólemderdiń barlyq túri boıynsha qabyldaýǵa, sondaı-aq Qazaqstan Respýblıkasynyń bank shottarynda aýdarýǵa, usaqtaýǵa jáne aıyrbastaýǵa jatady.
Kúmisten jasalǵan monetalar kádesyı oramynda memlekettik tilde, orys jáne aǵylshyn tilderinde QUB-tyń nómirlik sapa sertıfıkatymen shyǵarylady.
Koleksıalyq monetalar Qazaqstan teńge saraıynda daıyndalǵan.
