Jańashyl jastardyń jarysy.
Almatydaǵy eń ásem qonaqúıdiń tórinde Cyber Games eSports týrnıri bastalyp, oıyn eki kúnge sozyldy. Bul kúni jarysqa qatysýshylar men qonaqtardy áıgili Counter Strike jáne Dota2 kompúterlik oıyndarynyń keıipkerleri qarsy aldy. Týrnır kospleı-shoý qatysýshylarynyń sahnalaǵan qoıylymymen ashyldy.
Jarysqa úsh pán boıynsha jetekshi strımerler, blogerler qatysty. Tuńǵysh ret ótip otyrǵan týrnırdi Almaty qalasy Sıfrlandyrý basqarmasynyń qoldaýymen «Stýdenttik esport jónindegi ulttyq qaýymdastyq», iPlay eSports kıbersport platformasy uıymdastyrdy. Sonymen, Almaty Cyber Games–2022 týrnıri sıfrlyq oıyn-saýyq ındýstrıasynyń naǵyz festıvaline aınaldy.
iPlay eSports platformasynyń dırektory Darhan Dúısenbıevtiń aıtýynsha, esport boıynsha jarystar eki formatta ótkizilýi múmkin.
«Bul onlaın jáne LAN-týrnırler, oflaın, oıynshylar, kórermender jınalǵan kezde, oıyndar taratylyp, qosymsha is-sharalar uıymdastyrylady. Dál osy is-sharaǵa biz Qazaqstannyń ataqty kıbersportshylaryn, kıbersportqa tikeleı qatysatyn, áýesqoılyq deńgeıde aınalysatyn blogerlerdi shaqyryp otyrmyz. Mundaı aýqymdy is-sharaǵa 16 jastan asqan kez kelgen adam qatysa alady, biraq kámeletke tolmaǵandar úshin ata-anasynyń jazbasha ruqsaty talap etiledi. Bul joly biz jarysty almatylyqtar arasynda ótkizemiz. Sátin salsa, kelesi jyly platformany halyqaralyq deńgeıge shyǵarǵymyz keledi. Bul eń aldymen, týrızmdi damytýǵa kómektesedi, óıtkeni búgingi tańda kıbersport aýdıtorıasynyń mıllıondaǵan adamdary bar. Eger osyndaı aýqymdy is-sharalar ótkizilip tursa, Qazaqstan úshin bul jaqsy pıar-jarnama dep oılaımyn. Mundaı is-sharalar barysynda belsendi sportshylar arqyly jastarǵa geımıng pen esport arasynda aıyrmashylyqtar bar ekenin jetkize alamyz», – deıdi Darhan Dúısenbıev.
IPlay eSports platformasynyń dırektorynyń aıtýynsha, eSports – boks, fýtbol, shahmat sıaqty sport túri, ol 2018 jyldan bastap resmı túrde tanylǵan.
Jalpy, oıynshylardyń barlyq ýaqyttaryn oıynǵa jumsaýynyń qajeti joq, kúndelikti úzilispen jattyǵýlaryna bolady. Eń basty ýaqytty, árıne, oqýǵa arnaýlary kerek.
İs-sharany birlesip uıymdastyryp otyrǵan «Stýdenttik kıbersport jónindegi ulttyq qaýymdastyq» ZTB eki jyl buryn qurylǵan. Búginde onyń quramyna Almaty qalasy ǵana emes, Astananyń 15 JOO kiredi. Stýdenttik esport jónindegi ulttyq qaýymdastyqtyń prezıdenti Asqar Nurpeıisovtiń aıtýynsha, birinshi maýsymda ol basqaratyn uıymnyń, sondaı-aq qazaqstandyq Esport federasıasy men Ulttyq Olımpıada komıtetiniń qoldaýymen tórt oıyn ótkizilgen eken.
«Bizdi Almaty qalalyq ákimshiligi men kıber oıyndar ótkizetin iPlay eSports uıymy shaqyryp otyr. Osy týrnırdiń keremet uıymdastyrylǵany úshin olarǵa alǵysymdy bildirgim keledi. Búgingi tańda kıbersport erekshe qarqyn alýda. Máselen, sport zaldaryna bas suqsańyz, kóptegen sport túrleriniń artta qalǵanyn jastardyń telefondarda, gadjetterde otyrǵanynan baıqaýǵa bolady. Bizdiń týrnırlerge negizinen it-ýnıversıtetter qatysady. Qazir jańa zaman, ýaqytqa ilesip otyrmasa bolmaıdy. Degenmen, biz esporttyń oqýǵa zıanyn tıgizgenin qalamaımyz. Bizdiń basty shartymyz – esport sport retinde qabyldanady, ıaǵnı kúnine eki saǵat jattyǵyp, qalǵan ýaqytty oqýǵa arnaý kerek. Eger bireý oqýda úlgermese, biz, árıne, oǵan jaýap beremiz»,– deıdi Asqar Nurpeıisov.
Óz kezeginde qalalyq Sıfrlandyrý basqarmasynyń bas mamany Erasyl Jeńisov kıbersport it-men tikeleı baılanysty ekenin atap ótti.
«Biz barlyq qatysýshylar arasynda komýnıkasıa qurý jáne qalamyzdyń bazasynda kıbersportty tolyqqandy damytý úshin jumys isteýi tıis ekojúıeni kótergimiz keledi. Eger esport belsendi damıtyn bolsa, onda ońtústik astananyń ýnıversıtetter bazasynda jańa fakúltetter – esport nemese oıyn ındýstrıasy ashylýy múmkin, osyǵan baılanysty jańa jumys oryndary paıda bolady. Biz qazirdiń ózinde jańa kásipter ashatyn halyqaralyq tehnologıalyq kompanıalardy tarta alamyz. Eger biz kıbersportty damytý aıasynda áreket etsek, ınternet-provaıderlermen burynnan kele jatqan máseleni sheshetin bolamyz, sonda bizde ınternet jaqsy jumys isteıdi. Reseı, Qytaı nemese eýropa elderiniń tájirıbesin eskere otyryp, biz týrnırlerdi uıymdastyrýdyń halyqaralyq operatory bolsaq, bul bizge kem degende ishki jáne syrtqy týrızmdi damytýǵa múmkindik berer edi», - deıdi Erasyl Jeńisov.
