Ulttyq bank bazalyq stavkany 14%-ke kóterý sebebin túsindirdi.
Atalmysh qarjy ınstıtýtynyń tóraǵasy Ǵalymjan Pirmatovtyń aıtýynsha, mundaı sheshim ınflásıanyń sharyqtaýyna tosqaýyl qoıý jolyndaǵy qajetti shara retinde qabyldanǵan. Onyń sózinshe, álemdegi geosaıası jaǵdaıǵa baılanysty ınflásıa aıtarlyqtaı ósken. Syrtqy naryqtardaǵy qubylmalyq áli kúnge deıin saqtalyp otyr, dep habarlaıdy Almaty-akshamy.kz Qazaqtv.com saıtyna silteme jasap.
Baǵanyń ósýi bar salalarda baıqalady. Bul jaǵdaıda jyldyq ınflásıa 12 paıyzǵa deıin ósti. Osy jaǵdaı turaqtalmaıynsha, bazalyq mólsherlemeni tómendetý kún tártibinde turǵan joq dedi, Ǵalymjan Pirmatov. Ol ekinshi toqsanda ınflásıa áli de ósetini boljanǵanyn jetkizdi.
«Osyǵan baılanysty ınflásıaǵa qarsy aqsha-kredıt saıasatynyń róli qazirgi kezde tutynýshylardyń qarajat jınaqtaý áreketin qoldaý úshin mańyzdy. Atalǵan sharalardyń kómegimen biz suranys pen usynystyń teńgerimdi bolýyna jáne eki tańbaly kórsetkishke jetken ınflásıanyń retsiz óspeýine yqpal ete alamyz. Sondyqtan biz úshin bazalyq mólsherlemeni kóterý týraly sheshim, birinshi kezekte, ınflásıanyń ósý úrdisine jol bermeý jolyndaǵy qajetti shara», - deıdi Ulttyq bank tóraǵasy.