Sebebi kúnniń jylynýyna baılanysty taýda qar kóshkini qaýpi saqtalady.
Osyǵan oraı qutqarýshylar eskertý jasady, dep habarlaıdy Almaty-akshamy.kz QazAqparatqa silteme jasap.
«Úlken jáne Kishi Almaty ózenderiniń baseınderinde jaýyn-shashynnyń kóp mólsherde túsýine jáne qar jamylǵysynyń turaqsyz jaǵdaıyna baılanysty 28-29 sáýir aralyǵynda qar kóshkini qaýpi saqtalady», – dep habarlady qalalyq tótenshe jaǵdaılar departamentinen.
Qutqarýshylar qala turǵyndary men qonaqtarynan taýǵa saıahattaýdy keıinge shegere turýdy suraıdy.
Eske salaıyq, 13 sáýir kúni Molodejnyı shyńynda kóshkin júrip, eki adam qar astynda qaldy. Keıin qutqarýshylar qardyń astynda qalǵan adamdardyń bireýin aman-esen shyǵaryp aldy. Sol kúni keshke qaraı qar astynan ekinshi týrısiń denesi tabyldy.
Almaty qalalyq tótenshe jaǵdaılar departamentiniń málimetinshe, qar kóshkininiń astynda qalǵan eki adam - Fransıa eliniń azamattary.