Bul týraly májilis depýtaty Asqat Aımaǵambetov jazdy.
Qazaqstanda ul balalarǵa da obyr týdyratyn vırýsqa qarsy vaksınany salý usynyldy, dep habarlaıdy aqshamnews.kz
- Ótken aptada biz densaýlyq saqtaý mınıstrine ata-analar kezdesýlerde jıi kóterip júrgen mańyzdy saýaldy joldadyq. Atap aıtqanda – ul balalardy adam papıllomasy vırýsyna (VPCH) qarsy ekpeniń erikti vaksınasıalaý baǵdarlamasyna qosý týraly. Qazir Qazaqstanda qyz balalar adam papıllomasy vırýsyna qarsy ekpeni tegin ala alady. Bul – myńdaǵan adamnyń ómirin saqtap qalatyn óte mańyzdy sheshim jáne úlken jetistik. Endi osy tájirıbeni keńeıtý usynylyp otyr, deıdi depýtat.
Aımaǵambetovtiń sózinshe, adam papıllomasy vırýsy – tek «áıelderge tán vırýs» emes. Bul vırýs jatyr moıny qaterli isiginen bólek, er adamdarda kómeı, aýyz qýysy men tik ishek qaterli isikteriniń de damýyna sebep bolýy múmkin.
- Búginde ul balalarǵa da qyzdarmen birdeı adam papıllomasy vırýsyna qarsy vaksına egiletin kóptegen el bar. Sol sebepti biz bul vaksınany erikti negizde uldarǵa da qoljetimdi etýdi usyndyq, deıdi Aımaǵambetov.
Depýtattyń sózinshe, qazir bul vaksınany dárihanalardan tabý qıyn.
- Sondyqtan memleket tarapynan ony barlyq tilek bildirýshige qoljetimdi etý – asa mańyzdy. Biz densaýlyq saqtaý mınıstrligi bul bastamany qoldaıdy dep úmittenemiz. Sebebi ul balalar da qaýip tobyna jatady. Olardyń densaýlyǵy nazardan tys qalmaýy kerek, deıdi depýtat.