Fýtboldan 2024 jylǵy Eýropa chempıonatyna irikteý satysynyń altynshy týry máresine jetti, dep habarlaıdy Almaty-akshamy.kz.
Bul kúngi oıyndar arasynda jankúıerlerdi C tobyndaǵy Italıa men Ýkraına kezdesýi erekshe qyzyqtyrdy.
Italıa fýtbolshylary keıingi jyldarda sátsiz oıyn kórsetip keledi. Saldarynan ótken jyly álem chempıonatynyń fınaldyq satysynan tys qaldy. Sol olqylyqtyń ornyn bıyl toltyrýǵa tyrysatyny anyq.
Italıalyqtar Eýropa chempıonatyna irikteý satysynda da sátti oıyn kórsete almaı keledi. Alǵashqy úsh týrda nebári bir márte jeńiske jetse, bireýinde teń túsip, bireýinde qarsylasyna ese jiberip qoıdy.
Sondyqtan búgingi oıynda olar jeńiske jetýge bar kúshin saldy. Oıynnyń 21, 29-mınýttarynda ıtalıalyq Davıde Frattezı eki goldyń avtory atandy. Oǵan 42-mınýtta Andreı Iarmolenko bir golmen jaýap qaıyrdy. Esep - 2:0.
Atalǵan toptaǵy Malta óz alańynda Soltústik Makedonıaǵa 0:2 esebimen jol berdi.
Sondaı-aq A tobynda Norvegıa Grýzıany 2:1, Ispanıa Kıprdi 6:0 esebimen tize búktirdi.
Al F tobynda Belgıa Estonıany 5:0 esebimen jeńse, Shvesıa Avstrıadan 1:3 esebimen jeńildi.
I tobynda Shveısarıa Andorradan 3:0, Izraıl Belarýsten 1:0 esebimen basym tústi.
Eske salsaq, budan buryn Portýgalıa Lúksembýrgti 9:0 esebimen jeńgenin jazǵan bolatynbyz.