Elordada erekshe formatta kitap festıvali ótedi, dep habarlaıdy Almaty-akshamy.kz.
«KitapTime – 2023» İİ jalpy respýblıkalyq kitap festıvali QR Ulttyq akademıalyq kitaphanasynda 15 qyrkúıek kúni saǵat 12:00 men 22:00 aralyǵynda ótpek.
Festıvál aıasynda kúndizgi ýaqytta túrli baspalardyń qatysýymen kórme-jármeńke, «Art-vision» qolóner sheberleri men sýretshilerdiń pavılony, bookcrossing, photo zone, balalar shyǵarmashylyǵyna arnalǵan alańda ertegiler qoıylymy, sheberlik saǵattary, ınteraktıvti, ulttyq oıyndar, balalar ádebıetiniń keıipkerler sherýi, fleshmob uıymdastyrylady.
Keshkilik festıválǵa jınalǵandar «Reader» - juldyzdardyń qatysýymen kitaphanaǵa jazylý aksıasyna, «Kitaphanalyq tún» mádenı sharasyna qatysady.
«Kitaphanalyq tún» baǵdarlamasynda bıznes-koýchıng, «Musikal party» klasıkalyq mýzyka keshi, «Quiz» ıntellektýaldyq alańy, poezıa keshi, Astananyń túngi aspanyn teleskoppen tamashalaý, túngi karaoke, ANTIKAFE «Book & Soffee» syndy túrli qyzyqty mádenı, rýhanı sharalar uıymdastyrylady.
Festıváldiń maqsaty – kitap oqýdy keńinen nasıhattaý, ıntellektýal jastardy yntalandyrý, mádenı qundylyqtarymyzdy halyqqa jetkizý.
Festıválǵa qoǵam jáne memleket qaıratkerleri, zıaly qaýym ókilderi, elimizge tanymal óner juldyzdary, jas qalamgerler, blogerler, BAQ-ókilderi, ustazdar, balalar, kitaphanashylar jáne oqyrmandar men elorda qonaqtary qatysady dep kútilýde.