Qarapaıym halyq bir-birine kómektesip jatyr
Ýkraınadan evakýasıalanǵan qazaqstandyqtardyń biri Elena Petrova. Otandasymyz shekarada qalyptasqan jaǵdaı týraly aıtyp berdi, dep habarlaıdy Almaty-akshamy.kz QazAqparatqa silteme jasap.
«Shekarada kepteliste turmyz. Jergilikti volonterler ystyq tamaqpen qamtyp otyr. Óte jaqsy kómektesip jatyr. Ár 100 metr saıyn jedel járdem tur, shuǵyl kómekke daıyn. Avtobýstyń ishi jyly. Kepteliste 10 myńdaǵan kólik tur, báriniń de ketkisi keledi. Qanshama adam shekaraǵa jaıaý bara jatyr. Olardyń arasynda qarttar men balalar bar. Salystyrmaly túrde bizdiń jaǵdaıymyz jaqsy», - dedi Elena Petrova.
Onyń aıtýynsha, volonterlerden bólek, qarapaıym turǵyndar da kómektesip jatyr.
«Qarapaıym halyq bir-birine kómektesip jatyr. Bireý tamaǵyn berse, ekinshisi jyly kıimmen qamtamasyz etýde. Jaıaý bara jatqan adamdar bizge alyp ketińdershi dep ótinip jatyr. Oǵan bizde avtobýsta bos oryn joq», - deıdi ol.