TJD qyzmetkerleri arnaıy tehnıkamen sý sorý jumystary júrgizdi
Atyraý oblysynyń Inder jáne Qyzylqoǵa aýdandaryn erigen qar sýy basyp qaldy, dep habarlaıdy Almaty-akshamy.kz.
Oblystyq Tótenshe jaǵdaılar departamentiniń Qoǵammen baılanys tobynyń málimetinshe, Inder jáne Qyzylqoǵa aýdandarynda erigen qar sýyn sorý boıynsha avarıalyq-qutqarý jumystary júrgizilip jatyr.
«26 aqpan kúni saǵat 16.20-dan Inder aýdany Inderbor kentiniń kóshesinde erigen qar 30 sm jetti. Sondaı-aq Jarsýat aýylynyń kóshelerin de sý basyp qaldy. Sý sorý jumystaryna TJD jáne aýdandyq ákimdik qyzmetkerleri jumyldyryldy», - delingen TJD habarlamasynda.
Sondaı-aq Qyzylqoǵa aýdanyna qarasty Mıaly aýylynyń Qarabalın jáne Aqqýov kóshelerinde de 25-30 sm bolatyn erigen qar sýyn arnaıy sý sorý tehnıkasymen aýyl syrtyna shyǵarý jumystary júrgizildi. Barlyǵy 280 m3 sý soryldy.
Eske salsaq, Tótenshe jaǵdaılar mınıstri Iýrıı Ilın Bıyl kóktemde aýa raıyna baılanysty 431 myńnan astam adam turatyn 285 eldimekende sý basý qaýpi bar ekenin málimdegen bolatyn.