Naqty sanyn aıtý qıynǵa soǵady.
Qazaqstan syrtqy ister mınıstrligi Ýkraınadaǵy jaǵdaıǵa qatysty málimdeme jasady, dep habarlaıdy aqshamnews.kz
Syrtqy ister mınıstrliginiń resmı ókili Aıbek Smadıarov Ýkraınadaǵy jaǵdaıǵa qatysty túsinikteme berdi.
Qazirgi kezde Qazaqstannyń Ýkraınadaǵy elshiligi shtattyq rejımde jumys istep jatyr. Budan bólek mınıstrlikte álemdegi jaǵdaıǵa monıtorıń jasaıtyn arnaıy ahýaldyq ortalyq bar.
"Bizdiń málimetimizge sáıkes, Kıevtegi sheteldik dıplomatıalyq korpýs óz jumysyn jalǵastyrýda jáne azamattaryn evakýasıalap jatqan joq. Qazaqstandyqtardan da evakýasıalaý boıynsha ótinishter túsken joq jáne qazirgi ýaqytta arnaıy ushaqtardy jiberý josparda joq", - deıdi Smadıarov.
Ýkraınadaǵy áskerı qaqtyǵystyń jalǵasyp jatqanyna eki jyldan asty. Sodan beri biraz adam elden shyǵyp ketti.
"Biraq bizdiń esebimiz boıynsha Ýkraınada qazir 300-ge jýyq Qazaqstan azamaty bolýy múmkin. Naqty sanyn aıtý qıynǵa soǵady. Oǵan qaramastan, birneshe kún buryn biz Ýkraınadaǵy qazaqstandyqtarǵa el aýmaǵynan ketý týraly habarlama jasadyq. Qazaq dıplomattary ótinish túsken jaǵdaıda barlyq qajetti kómekti kórsetedi. Degenmen jaǵdaıdyń odan ári damýyna baılanysty óz áreketimizdi jasaımyz", - dep atap kórsetti mınıstrliktiń resmı ókili.