Jańa tetikteri engizildi.
Ortalyq komýnıkasıalar qyzmetiniń baspasóz konferensıasynda ÚEU-dy granttyq qarjylandyrýdyń jańa tásilderi týraly sóz boldy, dep habarlaıdy Almaty-akshamy.kz Baq.kz cilteme jasap.
Memleket tarapynan úkimettik emes uıymdar úshin beriletin granttyq qarjylandyrý júıesi kúnnen-kúnge ózgeriske ushyrap jatyr. Bıyl granttyq qarjylandyrý júıesi de qaıta qaraldy. Bul olardyń áleýetin odan ári damytyp, quqyqtyq bazany jetildirý jumystarynyń júıeli túrde jumys isteýine septigin tıgizedi.
Aqparat jáne qoǵamdyq damý mınıstrliginiń azamattyq qoǵam isteri komıtetiniń tóraǵasy Madıar Qojahmettiń sózinshe, elimizde barlyǵy 17 myńnan astam ÚEU jumys isteıdi, 21 myńnan astam qoǵamdyq uıym tirkelgen. Búgingi tańda azamattyq sektorda jumyspen qamtylǵandar sany 25 myńǵa jýyq adam.
Qazirgi ýaqytta ÚEU-dy memlekettik qarjylyq qoldaýdyń úsh negizgi baǵyty bar. Olar: memlekettik áleýmettik tapsyrys 2005 jyldan bastap iske asyrylyp kele jatqan memleket pen ÚEU ózara is-qımylynyń áleýmettik jobalardy iske asyrýdaǵy tıimdi tetikteriniń biri. Bul rette qarjylandyrý kólemi sońǵy 5 jylda 20%-ǵa artty, jyl saıyn áleýmettik mańyzy bar baǵyttar boıynsha orta eseppen 2 myńǵa jýyq joba iske asyrylyp jatyr. Jalpy, granttardy iske asyrý kezeńinde 2016 jyldan bastap granttyq qarjylandyrý kólemi 10 ese ulǵaıdy, jobalar sany 6 ese ósti. Aǵymdaǵy jyly jalpy somasy 1,9 mlrd teńgege 60 granttyq joba iske asyryldy, - dedi Madıar Qojahmet.
Sondaı-aq aldaǵy ýaqyttaǵy granttyq qarjylandyrýdy bóletin jańa tásilder týraly aıtty. Osyǵan deıin granttyq qarjylandyrý formaty memlekettik áleýmettik tapsyrys tetigimen uqsas bolyp kelgen edi.
Halyqaralyq tájirıbe negizinde granttyq qarjylandyrýdyń jańa tetikteri engizildi. Endi jańa format boıynsha memlekettik organdar ózekti másele men kútiletin nátıjelerdi kórsete otyryp, granttardy baǵyttar boıynsha toptaý arqyly qalyptastyrady. Al sheshý joldaryn ÚEU konkýrsqa qatysý barysynda ózderi usynatyn bolady. Sondaı-aq, granttyq saıasattyń salalyq tásilin keńeıtý maqsatynda ortalyq memlekettik organdarǵa da operator arqyly granttar berý quzyreti berilip otyr, - dep atap ótti ol.
Aıtýynsha, 2023 jyly mınıstrlikpen azamattyq qoǵamdy, din salasyn, sondaı-aq jastar saıasatyn damytý baǵyttary boıynsha jańa tásilder aıasynda granttyq jobalardy iske asyrýǵa 1,2 mlrd.teńgeden astam qarajat bólý josparlanýda.
Bıyl azamattyq qoǵam ókilderiniń qatysýymen granttardyń tıimdiligin baǵalaý tetigi engizildi. Ol osyndaı jobalardyń tıimdiligin arttyrýǵa múmkindik beredi jáne keıinnen granttardy qalyptastyrý úshin negiz bolady deıdi tóraǵa baspasóz máslıhatynda.