Maýsym aıynda qazaqstandyq qant zaýyttary 38 myń tonna ónim óndirgen. Onyń teń jartysy Tarazdaǵy kásiporynǵa tıesili.
Aýyl sharýashylyǵy mınıstrligi eldegi qantqa degen suranysty qanaǵattandyrý úshin qosymsha sharalardy da qolǵa alyp otyr, dep habarlaıdy Almaty-akshamy.kz
Máselen, shet memleketterden baj alymynsyz 250 myń tonna qant ákelýge kvota bólingen. Sondaı-aq óńirlerdi qamtamasyz etý boıynsha monıtorıń jasalyp otyr. Júktiń jolda turyp qalmaı, ýaqtyly kedendik rásimdeý júrgizilýi qadaǵalaýǵa alynǵan. Degenmen ázirge bul naryqtaǵy suranysty tolyqtaı óteı almaı otyr.
Úkimet qant boıynsha jaǵdaıdy turaqtandyrý jónindegi bes jylǵa arnalǵan josparyn maquldady. Oǵan sáıkes, qant qyzylshasyn egý alańdaryn kóbeıtý, sýarý jelilerin jańǵyrtý, qant zaýyttaryn jańǵyrtý, memlekettik qoldaý sharalary jónindegi is-sharalar josparlanǵan.