Qazirgi tańda jospardan tys tekseris daıyndalyp jatyr.
Tarazdaǵy «Qazfosfat» zaýytyn aýaǵa zıandy zattar tarap ketýine baılanysty ýaqytsha jabý kózdelip otyr, dep habarlaıdy Almaty-akshamy.kz Astanatv.kz cilteme jasap.
Tarazdaǵy alyp óndiris «Qazfosfat» zaýytynda tehnıkalyq apat bolyp, odan shyqqan qoıý tútin qala kóshelerine jaıyldy. Oblystyq ekologıa departamentiniń mamandary kásiporyn jumysyn ýaqytsha toqtatpaq. Sebebi, aýaǵa zıandy kúkirt sýteginiń mólsheri shamadan tys tarap ketken kórinedi. Bul jaǵdaı táýligine eki ret qaıtalanǵan.
«Sanıtarlyq qoǵaý aýmaǵynan synama alynyp, ol jerde kúkirt sýtek zıandy zattar anyqtalyp, normadan tys asqany anyqtaldy. Qazirgi tańda jospardan tys tekseris daıyndalyp jatyr. Zerdeleý jumystary júrgizilip jatyr. Jóndegenge deıin zaýyt jumysyn ýaqytsha toqtatatyn shyǵarmyz», - dedi Jambyl oblysy ekologıa departamentiniń bólim basshysy Serik Nurbaev.
Zaýyt mamandary da bolǵan oqıǵanyń sebepterin anyqtap jatyr. «Qazfosfat» JSHS bas ekology Arman Qaraǵalıevtiń aıtýynsha, zaýyt zerthanasynda zertteý júrgizilgen, sanıtarlyq ýchaskeler men qala mańynda dozanyń shamadan tys asqany tirkelgen joq.
Esterińizge sala ketsek, shildeniń 11 kúni «Qazfosfat mıneraldy tyńaıtqyshtar» zaýytynda apat bolǵan bolatyn.