Búdjettiń kirisi 16 trln teńge deńgeıinde qalyptasady.
QR Ulttyq ekonomıka vıse-mınıstri Azamat Ámrın 2023 jylǵy búdjetti qalyptastyrý kezinde Úkimet munaıdyń eseptik baǵasy men dollardyń teńgege qatysty eseptik baǵamyn qaı deńgeıde belgilep otyrǵanyn aıtty, dep habarlaıdy Almaty-akshamy.kz QazAqparatqa silteme jasap.
«Keler jyldaǵy búdjet boljamynda munaıǵa qatysty esepti baǵa barreline 85 AQSH dollaryn qurap otyr. 1 dollar úshin baǵam 470 teńge shamasynda belgilengen. Osy esepteýler aıasynda respýblıkalyq búdjettiń kirisi 16 trln teńge deńgeıinde qalyptasady», - dedi A. Ámrın Senatta zań jobasyn tanystyrǵanan keıin ótken baspasóz máslıhatynda.
Budan buryn habarlanǵandaı, búgin Parlament Májilisiniń jalpy otyrysynda «2023 - 2025 jyldarǵa arnalǵan respýblıkalyq búdjet týraly» zań jobasy maquldandy.
Osy oraıda QR Ulttyq ekonomıka mınıstri Álibek Qýantyrov 2023 - 2027 jyldarǵa arnalǵan áleýmettik-ekonomıkalyq damý boljamy týraly aıtyp berdi.
Mınıstrdiń sózine qaraǵanda, boljam men búdjettik parametrlerdi qalyptastyrýdyń negizi retinde bazalyq senarı alyndy. Osy senarı boıynsha munaıdyń ortasha baǵasy barreline 85$ dep kórsetilgen. Jalpy ishki ónimniń ortasha jyldyq naqty ósýi 3,9% bolady.