Smıt óz áreketi úshin keshirim surady
Amerıka kınoakademıasy Ýıll Smıtke on jyl boıy «Oskar» marapattaý rásimine jáne osy uıymnyń basqa da sharalaryna qatysýǵa tyıym saldy, dep habarlaıdy Almaty-akshamy.kz QazAqparatqa silteme jasap.
VVS agenttiginiń málimetinshe, akter 2022 jylǵy Oskar marapattaý rásiminde tóbeleskeni úshin jazalandy. Ol ornynan turyp, komık Krıs Roktyń betinen uryp, keıin oǵan bylapyt sózder aıtqan bolatyn.
Smıtke úkim kıno akademıasynyń vırtýaldy otyrysynda shyǵaryldy, onda tanymal Gollıvýd akterine qandaı jaza qoldanylatyny talqylandy.
Smıt óz áreketi úshin keshirim surady, alaıda bul jetkiliksiz boldy.
Akademıa málimdemesinde bıylǵy marapattaý rásimine Smıttiń sahnadaǵy qaýipti áreketi kóleńke túsirgeni aıtylady. Smıttiń shettettilý merzimi 2022 jyldyń 8 sáýirinen bastalady.
Buǵan deıin Smıt osy oqıǵaǵa baılanysty akademıa quramynan ketetinin málimdegen bolatyn. Ol «kınoakademıanyń senimin aqtamaǵanyn», óz áreketi úshin qaıǵyratynyn aıtty.