Almaty qalasy boıynsha saýda jáne tutynýshylardyń quqyqtaryn qorǵaý departamenti atqaryp jatqan jumystary jóninde brıfıń ótkizdi.
Brıfıń barysynda, qazirgi ýaqytta saýda jáne tutynýshylardyń quqyqtaryn qorǵaý departamenti keshendi jedel jumys júrgizip jatqany, onyń ishinde saýda jáne tutynýshylardyń quqyqtaryn qorǵaý salasyndaǵy zańnama normalaryn saqtaý boıynsha memlekettik baqylaý fýnksıalaryn júzege asyra otyryp, azamattarǵa ýaqtyly praktıkalyq jáne zańgerlik kómek kórsetilip jatqany atap ótildi, dep habarlaıdy almaty-akshamy.kz
Áleýmettik mańyzy bar azyq-túlik taýarlaryna baǵa belgileýdi turaqtandyrý sheńberinde, Almaty qalasy ákiminiń orynbasary A.Abdykadyrovtyń tóraǵalyǵymen qurylǵan azyq-túlik taýarlaryna baǵa belgileýdiń barlyq tizbekteri boıynsha deldaldyq syzbalardy tergeý jónindegi óńirlik komısıa áleýmettik mańyzy bar azyq-túlik taýarlaryn óndirýshiden tutynýshyǵa jetkizý tizbegindegi deldaldardy anyqtaý jáne joıý boıynsha josparly jumys júrgizýde.
«Monıtorıń sheńberinde deldaldyq sqemalardy tergeý jónindegi komısıadaǵy áriptestermen birlesip jumys isteý kezinde áleýmettik mańyzy bar azyq-túlik taýarlaryna baǵa belgileýdi asyra baǵalaýǵa yqpal etetin zańdy tulǵalar men deldaldyq sqemalardyń 50-den astam faktisi anyqtaldy jáne joıyldy. Tek sońǵy eki aıda tekserý is-sharalaryn júrgizý barysynda 30-dan astam zańdy tulǵa ákimshilik jaýapkershilikke tartyldy», - dep atap ótti Almaty qalasy boıynsha saýda jáne tutynýshylardyń quqyqtaryn qorǵaý departamenti basshysy Danıarov Gennadıı.
Sondaı-aq, Departament tutynýshylardyń zańdy quqyqtaryn qorǵaýdy júzege asyrady, biraq bıznes ókilderi ýákiletti organnyń qorytyndysymen kelispeıtin jaǵdaılar merzimdi túrde kezdesedi, bul jaǵdaıda sot prosesterine deıin árbir jeke jaǵdaıdy qaraý júrgiziledi.
Departament tarapynan tekserý prosesteriniń zańdylyǵyna kelispeýshilik boıynsha bıznes ókilderi tarapynan sotqa talap qoıý jaǵdaılary oryn alýda.
«A., azamattyń ótinishine sáıkes, Departament FlyArystan «Eır Astana» aksıonerlik qoǵamyna qatysty jospardan tys tekserý júrgizildi, tekserý qorytyndysy boıynsha buzýshylyqtardy joıý týraly nusqama negizinde ótinish berýshige aqshalaı qarajat qaıtaryldy, sondaı-aq aksıonerlik qoǵamǵa qatysty ákimshilik jaýapkershilikke tartý týraly qaýly shyǵaryldy.
«Eır Astana» ókilderi sotqa bizdiń Departamenttiń tekserý nátıjeleri boıynsha tekserý aktisin jaramsyz dep taný jáne buzýshylyqtardy joıý týraly nusqamanyń kúshin joıý týraly talap aryz berdi. Nátıjesinde sot Departament qabyldaǵan sharalar jáne júrgizilgen tekserýdiń zańǵa sáıkestigi týraly sheshim shyǵardy. Departamentke qatysty «Eır Astana» aksıonerlik qoǵamynyń ákimshilik talabyn qanaǵattandyrýdan tolyq kólemde bas tartyldy» - Almaty qalasy boıynsha saýda jáne tutynýshylardyń quqyqtaryn qorǵaý departamenti basshysy Danıarov Gennadıı túsindirme berdi.
Ýákiletti organ tarapynan is-sharalardyń rettiligine jáne bıznestiń tutynýshylar aldyndaǵy mindetterin tıisinshe oryndaý rásimine memlekettik baqylaýǵa negizdelgen quqyqtar men zańdy múddelerdi qorǵaýdyń tıimdi júıesin qamtamasyz etý boıynsha turaqty jumys júrgizilýde.