5-6 naýryz kúnderi saǵat 13.30-de «Habar» arnasynan «Shymkent - meniń mahabbatym» romantıkalyq fılmin tamashalańyzdar. Kınotýyndynyń basty rólderin tanymal akter Erkebulan Daıyrov jáne sulý ári talantty Kámshat Joldybaeva somdaıdy.
Shymkent shahary Qazaqstandaǵy eń iri megapolısterdiń qatarynda. Búginde qala qaryshtap damyp, jan-jaqtan joǵary bilikti mamandar shaqyrylyp jatyr. Solardyń biri – Nur-Cultan qalasynda turatyn PR salasynyń myqty mamany Dına. Ony Shymkent qalasynyń týrısik ımıjin damytý úshin jergilikti kompanıa jumysqa shaqyrady. Kompanıa basshysy Asqar kezdesý uıymdastyryp, jańa mamandy seriktesi Abylaımen jolyqtyrmaq bolady. Abylaı men Asqar kompanıany birge qurǵan, biraq Asqar qujattarǵa pysyq menedjer, al Abylaı – shyǵarmashylyq adamy. Abylaı jańa mamannyń basqa qaladan kelgenin unatpaı qalady. Tanysqanda jaqtyrmaǵanyn birden kórsetýge tyrysady, Dına munyń sebebin túsinbeı qalady. Ekeýi birden jaýlasyp, neshe túrli áreket jasaıdy. Biraq jek kórý men mahabbattyń arasy bir qadam degendeı, Abylaı Dınany unatyp qalady, ekeýi birlesip jobalardy júzege asyra bastaıdy. Alaıda Dınanyń Nur-Sultan qalasynan burynǵy jigiti kelip, Dınany ózine qaıtarmaq bolady.
Fılmniń sońynda Dına elordaǵa oralýdy álde máńgilik mahabbatyna aınalǵan Shymkent shaharynda qalýdy tańdaıdy ma? Qyzyqqa toly oqıǵanyń jaýabyn 5-6 naýryz kúnderi saǵat 13.30-de «Habar» telearnasynyń efırinen tamashalaýdy umytpańyzdar!