Máseleni sheshýge kómektesemiz dep ýáde bergen zańger almatylyqtardy aldap ketti
Máseleni sheshýge kómektesemiz dep ýáde bergen zańger almatylyqtardy aldap ketti, dep habarlaıdy Almaty-akshamy.kz Polisia.kz-ke silteme jasap.
«LEGAL FORCE» JSHS dırektory zań salasyndaǵy túrli máselelerdi sheshýge ýáde berip, adamdardy aldaǵan.
«Anyqtalǵandaı, 39 jastaǵy B.esimdi azamat kópten beri ańǵal azamattarǵa túrli máselelerdi sheshýde quqyqtyq qoldaý kórsetý boıynsha óz qyzmetterin usynyp keledi. Odan ári senimge kirip, klıenttermen oıdan shyǵarylǵan kelisim-sharttar jasady. Alaıda qarajatty alǵannan keıin jasyrynyp júrgen. Qazirgi tańda polısıaǵa 5 adam aryzdandy», – dedi Medeý aýdandyq Polısıa basqarmasynyń bastyǵy Dáýren Ótebaev.
Jedel-izdestirý is-sharalary barysynda kúdikti quryqtaldy. Qylmystyq is QR QK-niń 190-baby 3-bóligi (Birneshe ret jasalǵan alaıaqtyq) boıynsha tergelýde.
«Kúdikti Almaty qalalyq PD ýaqytsha ustaý ızolátoryna qamaldy. Sotqa deıingi tergeý bizdiń bólimsheniń tergeý bóliminiń qyzmetkerlerine júkteldi. Atalǵan adamnyń zańsyz áreketinen zardap shekkenderge myna telefon nómirleri arqyly habarlasýdy usynamyz: 8-727-254-48-02; 8-727-254-48-10; 8-702-476-66-60», – dedi Dáýren Ótebaev.