1992 jyly syrt eldiń syryn uǵýǵa úlken mán berildi
Bir jyl ishinde qazaq elin álemniń 106 memleketi tanydy, dep habarlaıdy Almaty-akshamy.kz 24.kz-ke silteme jasap
Osy úderistiń sońy yntymaqqa ulasyp, 61 memleketpen dıplomatıalyq qarym-qatynas ornady. Elimiz Eýropadaǵy qaýipsizdik jáne yntymaqtastyq uıymynyń tolyq múshesi atandy.
Álemdik BUU-ǵa, IýNESKO-ǵa múshe bolý múmkindigi týdy. Eldestirmek elshiden. Dál osy jyly birqatar elde Qazaqstannyń elshilikteri ashyla bastady.
Bes qarýyn saılaǵan
1992 jyly Memleket basshysy «Qarýly Kúshter qurý týraly» Jarlyqqa qol qoıdy. Qorǵanys memlekettik komıteti Qorǵanys mınıstrligi bolyp qaıta quryldy. Vedomstvoǵa Keńes Odaǵynyń Batyry Saǵadat Nurmaǵambetov jetekshilik etti.
Osylaısha Qazaqstannyń óz armıasy quryldy. Sonymen qatar «İshki ister organdary» jáne «Ulttyq qaýipsizdik organdary» týraly zańdar qabyldandy.
Taǵy bir mańyzdy qujat - «Shekara áskerlerin qurý týraly» jarlyq boldy.
Eltańba, Tý jáne Ánuran
1992 jylǵy 4 maýsymda táýelsiz Qazaqstannyń Eltańbasy, Týy jáne Ánurany bekitildi. Osylaısha el kógine Kók tý kóterilip, Eltańba elge tanyldy. Ánuran áýeledi.
Taǵdyr talaıymen tórtkúl dúnıeniń túkpir-túkpirine tarydaı shashyraǵan qaımana qazaq atajurtta bas qosty. Almatyda dúnıe júzi qazaqtarynyń tuńǵysh quryltaıy ótti.