Antakıa men Iskenderýn qalalarynyń arasyndaǵy jol buzyldy
Dúısenbi kúni Túrkıanyń Hataı qalasyna qarasty Defne aýdanynda 6,4 magnıtýdaly jer silkinisi tirkeldi, dep habarlaıdy Almaty-akshamy.kz QazAqparatqa silteme jasap.
Túrkıanyń Anadolu agenttigi taratqan aqparatqa qaraǵanda, zilzalanyń oshaǵy 2 km tereńdikte jatyr.
Túrkıanyń Hataı qalasyna qarasty Defne aýdanynda jer silkinisi eki ret qaıtalanǵan soń, Antakıa men Iskenderýn qalalarynyń arasyndaǵy jol buzyldy. Búlingen ǵımarattar da bar ekeni aıtylyp jatyr.
Habertürk telearnasynyń habarlaýynsha, Túrkıanyń ońtústik-shyǵysynda úıler qıraǵan, ázirge olardyń sany qansha ekeni belgisiz. Jerasty dúmpýi Sırıa, Lıvan, Kıpr elderinde, tipti Izraılde de sezilgen.
Anadolu agenttiginiń habarlaýynsha, kórshiles provınsıalar men Sırıa, Lıvan, Iordanıa, Irak, Palestına, Izraıl men Lıvanda da sezilgen. Lıvanda jer silkinisi el astanasy Beırýt qalasyn qosa alǵanda eldiń barlyq aımaǵynda bilingen.
Sırıada zilzalanyń gúrilin Idlıb, Aleppo, Hamy, Afrına, Aazaza, Djerablýsa, El-Baba men Tell-Abádada sezgen. Halyq qaýiptenip, úılerinen júgirip shyǵyp jatyr.
Túrkıada jer silkinisinen qaza tapqandar sany 41 myńnan asty.