Tereńdigi – 60 shaqyrym
Sársenbi kúni Túrkıanyń shyǵys bóliginde 5,4 magnıtýdasymen jer silkindi. Bul týraly Eýropa-Jerorta teńizi seısmologıalyq ortalyǵynan málim etti, dep habarlaıdy Almaty-akshamy.kz QazAqparat agenttigine silteme jasap.
Derekke sáıkes, jerasty dúmpýiniń oshaǵy 31,4 myń halqy bar Býlanyk qalasynan ońtústik-batysqa qaraı 33 shaqyrym jerde ornalasty. Tereńdigi – 60 shaqyrym.
Eske salaıyq, 6 aqpan kúni Túrkıanyń ońtústik-shyǵysyndaǵy Kahramanmarash provınsıasynda 7,7 magnıtýdasymen jer silkinisi boldy. Zilzala sońynan júzdegen aftershok qaıtalandy. Jerasty dúmpýi eldiń 10 provınsıasynda, sondaı-aq kórshiles elderde, sonyń ishinde Sırıada sezildi.
Sońǵy málimet boıynsha, Túrkıada qaza bolǵandar sany 9 myńnan asty, 52 myńnan astam adam zardap shekti. Sırıa Densaýlyq mınıstrliginiń aqparatyna súıensek, elde kem degende 2,5 myń adam kóz jumdy, 4,6 myń adam jaraqat aldy.