Birinshi partıany kort ıesi breıkpen aıaqtady
Qazaqstannyń birinshi, álemniń 50-raketkasy Aleksandr Býblık Fransıanyń Monpele qalasynda ótip jatqan ATP 250 týrnıriniń ekinshi aınalymyna shyǵa almady, dep habarlaıdy Almaty-akshamy.kz QazAqparatqa silteme jasap.
Osy jarystyń 6-raketkasy bolyp tirkelgen qazaqstandyq tenısshi alǵashqy aınalymda dúnıejúzilik reıtıńte 75-orynda turǵan fransıalyq Gregýar Barrermen oınady.
Birinshi partıany kort ıesi breıkpen aıaqtady – 6:4.
Ekinshi sette asa tartysty taı-breıkte Aleksandr Býblık Gregýar Barrerdiń machty aıaqtaýyna múmkindik bermedi – 7:6 (14:12).
Úshinshi, sheshýshi sette esep 3:2 bolǵan mezette qazaqstandyq tenısshi breık jasaı aldy – 4:2. Alaıda izinshe qatelikke boı aldyryp, óz geımin berip qoıdy. Aqyry taı-breıkte qarsylasy jeńiske jetti – 7:6 (7:3).