Qala ákiminiń orynbasary İlıas Óserov Óńirlik komýnıkasıalar qyzmetinde Almatynyń týrısik áleýetin jarnamalaýǵa jáne BAQ-ty qarjylyq qoldaýǵa qarjy jumsaý qajettiligin negizdedi, dep habarlaıdy Almaty-akshamy.kz
Spıkerdiń aıtýynsha, Almaty týrıserdi tartatyn ortalyq bolyp qala otyryp, búdjet qarajatyn osy salany, onyń ishinde shetelde ilgeriletýge jumsaıdy. Bul tek shyǵyndar ǵana emes, eń aldymen, týrısik aǵyndardy ulǵaıtýǵa ınvestısıalar tartý, nátıjesinde qonaqúılerde, meıramhanalarda jáne t. b. jańa jumys oryndaryn qurý.
Onyń aıtýynsha, álemniń eń iri qalalarynyń – Doha, Inchhon, Máskeý, Abý-Dabı, Dýbaı jáne Gonkongtyń áýejaılarynda ımıjdik beınerolıkterdi kórsetý úshin 143 mln teńge bólindi. Kıev jáne Sankt-Peterbýrg áýejaılary poıyzdardy brendtedi. Sondaı-aq, Máskeý, Tashkent jáne Baký metropolıtenderinde 114 mln teńgege taqyryptyq jarnama ornalastyryldy.
- Jarnama ornalastyrylǵan elderde qyzyǵýshylyq aıtarlyqtaı ósti. Ol 8 mıllıonǵa jýyq adamdy qamtydy. KRMG1 zertteý nátıjeleri boıynsha Almatydaǵy árbir týrıs kem degende 100 dollar jumsaıdy, qysta bul soma qysqy taý sportynyń tanymal bolýyna baılanysty áli de ulǵaıýy múmkin. Tıisinshe, bul - qalaǵa jáne onyń ekonomıkasyna tartylǵan ınvestısıalar.
Spıker osy jyly Almaty týraly ımıjdik beınerolıkterdi jasaýǵa jáne ilgeriletýge 150 mln teńgeden astam qarajat bólingenin rastady. Olardy Eurosport 1/2, Discovery, Animal Planet Travel Channel, EMEA, Russia, Asia sıaqty halyqaralyq telearnalarda kórsetý josparlanǵan bolatyn. Biraq karantındik shekteýlerge jáne Eýropa elderimen reısterdiń jabylýyna baılanysty beınerolıkterdiń jarnamasy toqtatyldy. Bul qarjy qarajaty búdjetke qaıtaryldy.
Bıyl Almaty men oblystyń týrısik áleýetin kórsetý úshin shetelden 33 bloger shaqyryldy, óıtkeni áleýmettik jeliler búginde eń tıimdi jarnama alańdarynyń biri bolyp tabylady.
Sondaı-aq, İlıas Óserov memlekettik tapsyrystyń mánin BAQ arqyly túsindirdi. 2021 jylǵa memlekettik aqparattyq tapsyrysqa búdjetten 3,7 mlrd teńge bólindi.
– Bul jergilikti bılik organdarynyń qyzmeti týraly aqparattandyrýǵa, barlyq salalar men sferlar boıynsha óńirdi damytýǵa baǵyttalǵan jergilikti jáne ortalyq organdar qabyldaǵan sharalar týraly habarlaýǵa kelip saıady, - dep túsindirdi ol. – Bul úshin biz tek qalalyq emes, táýelsiz BAQ-tyń da áleýetin paıdalanamyz. Nátıjesinde halyq qajetti aqparatty alady.