Óńirlik komýnıkasıalar qyzmetinde ótken brıfıńte Almaty ákiminiń orynbasary İlıas Óserov qala ákimi Baqytjan Saǵyntaevtyń ekonomıka qurylymyn ózgertý jónindegi tapsyrmasy qalaı júzege asyrylyp jatqanyn aıtty, dep habarlaıdy Almaty-akshamy.kz
İlıas Óserovtyń aıtýynsha, qurylymdyq manevr dástúrli ekonomıkanyń táýekelderin azaıtý jáne joǵary bilikti jumysshylar úshin jańa joǵary jalaqy tólenetin jumys oryndaryn qurý maqsatynda júzege asyrylady.
Búginniń ózinde kreatıvti ındýstrıalar ekonomıka úlesiniń shamamen 1,7%-yn alady. Bul qyzmetkerler sany 45 myń adam bolatyn 17,8 myń uıym men jeke kásipkerler (barlyq kásiporyndardyń 8,8%). Kórsetilgen qyzmetter kólemi – 402,8 mlrd teńge.
Almaty Creative Industries Forum – kreatıvti ındýstrıalar salasyndaǵy alǵashqy basty oqıǵa. Forým memleket, kreatıvti kásipkerler jáne osy salany damytýǵa múddeli barlyq tulǵalar arasynda tájirıbe almasý jáne ashyq dıalog alańyna aınalady. Ony júrgizýge 124 mln teńge bólindi. Sondaı-aq forýmǵa halyqaralyq spıkerlerdiń, kreatıvti sektor kásipqoılarynyń qatysýy josparlanǵan.
Almaty Creative Industries Forum aıasynda osy jyldyń jeltoqsan aıynda kreatın boıynsha chempıonat jáne akselerasıa baǵdarlamasy josparlanǵan. Bul jobalar monetızasıanyń joǵary áleýeti bar biregeı shyǵarmashylyq ıdeıalardy anyqtaýǵa jáne olardyń ómirge kelýine kómektesedi.
Forým onlaın formatta ótedi, sondyqtan oǵan kez kelgen adam qatysa alady.