Maýsym aıymen salystyrǵanda kórsetkish 2% kemidi
Turǵyn úı satý-satyp alý naryǵynda shildedegi kórsetkish boıynsha jasalǵan mámile sany – 30 393, bul ótken jyldyń tıisti aıymen salystyrǵanda 34,3% kem. Ulttyq statısıkalyq búro málimeti boıynsha, kemý kórsetkishi barlyq óńirde tirkelgen, dep habarlaıdy Almaty-akshamy.kz.
Maýsym aıymen salystyrǵanda kórsetkish 2% kemidi. Óńirler boıynsha mámileler kóp jasalǵan qalalar – Almaty men Nur-Sultan, tıisinshe 4 915 jáne 4 391 shart. Mámile sany eń az bolǵan óńir – Soltústik Qazaqstan oblysy (619).
Mámileler sanynyń tómendeýi birqatar óńirde baıqaldy, eń kóp tómendeý Pavlodar (-19,2%), Almaty (-17,0%), jáne Atyraý (-7,4%) oblystarynda. Ósim tek 4 óńirde tirkeldi: Nur-Sultan qalasy (14%), Almaty qalasy (11,5%), Batys Qazaqstan (7,5%) jáne Aqtóbe oblystary (4,4%).
Mámilelerdiń 72% kóp páterli úılerdegi páterler boıynsha jasaldy, satylymdaǵy jeke úılerdiń úlesi – 28%.
2 bólmeli páterler sol qalpy suranysqa ıe, shildede olardyń 8,4 myńy tirkelgen. Bul rette kelisimsharttar kóbine Almaty qalasynda (1570), Nur-Sultanda (1486) jáne Qaraǵandy oblysynda (1304) jasalǵan.Jeke úıler boıynsha ósim tek Nur-Sultanda (+9,2%), Aqtóbe (+11,3%) jáne Batys Qazaqstan oblystarynda (+13,8%) baıqaldy.