Bir top azamat daýys berý kezinde án men jyrdan shashý shashqan.
Taldyqorǵan qalasynda daýys berýshiler úshin barlyq saılaý ýchaskesi jumysyn bastady, dep habarlaıdy Almaty-akshamy.kz Azattyq Ruhy-na silteme jasap.
Kún men tún teńeletin Ulystyń uly merekesi qarsańynda ótip jatqan saıası naýqanda №419 saılaý ýchaskesine daýys berýshiler túıemen keldi. Bir top azamat daýys berý kezinde án men jyrdan shashý shashqan.
Alǵashqylardyń biri bolyp túıe asyraýshylar daýys berdi. Olardyń qatarynda 35 jastaǵy Ulan Baızaqov ta bar. Ol sońǵy 15 jyl boıy túıe asyraýmen aınalysyp keledi. Ulannyń aıtýynsha, túıeni asyraý ońaı is emes, al osyndaı qos órkeshti tórt túlik maldyń ıesi bolý bir ǵanıbet.
«Aptanyń demalys kúnderi túıeni ortalyq saıabaqtarǵa shyǵaryp, balalarǵa qýanysh syılaý – úlken baqyt. Qyzmet kórsetip tapqan qarajatyn túıeniń jem-shóbine, dári-dármegine jumsaımyn. Búgingi saıası naýqannan qalys qalmaı, alǵashqylardyń biri bolyp daýys berýge keldik ári elge jaqsy kóńil-kúı syılaǵymyz keldi», - deıdi túıeshi Ulan Baızaqov.