Almaty-akshamy.kz saıtynda búgin jarıalanǵan jańalyqtarǵa sholý – kún kerýeni
«Bolashaqtyń oıyndary»
Osyndaı ataýmen Qazan qalasynda halyqaralyq týrnır ótedi. Bul sharaǵa Belarýs, Qyrǵyzstan, Tájikstan jáne Ózbekstan prezıdentteri, sondaı-aq basqa da birqatar memlekettiń ókilderi qatysady delingen. Memleket basshysy Qasym-Jomart osy týrnırdiń ashylý rásimine qatysý úshin Reseı Federasıasyna jumys saparymen bardy.
Qazaq aýyly
Elimizde áli kúnge qazaqtar turatyn mekenderdiń óziniń aty aýyspaǵan. Keńes zamanynyń ısi burqyrap turǵan Almaty oblysyndaǵy birqatar aýylǵa qazaqsha ataý berildi.
Pokrovka aýyly ataýyn – Kenen Ázirbaev, Chapaevo aýyly – Baıkent, al Mejdýrechensk aýyly – Aqsaı dep ózgertedi. Kazsıkov aýyldyq okrýginiń Komsomol aýyly – Jaınaq dep ózgertiledi, al Kazsık aýyly – Asqar Toqpanov aýyly bolady. Kegen aýdanynda Jalańash aýyldyq okrýgi men Jalańash aýyly sáıkesinshe Jalaǵash aýyldyq okrýgi jáne Jalaǵash aýyly bolyp ózgertiledi. Talǵar aýdanynyń Panfılov aýyldyq okrýginde Qyzyl-Tý-4 aýyly - Jibek Joly aýyly bolyp ózgertildi.
Salyq pen halyq
Qoǵamda dúrbeleń týdyrǵan mobıldi aýdarym máselesi týraly alyp-qashpa qaýeset kóp. 255 myń teńgeden assa, tekseris júrgizilýi múmkin degen de aqparat shyqty. Qarjy mınıstrligi bul usynysty qarastyryp jatqan kórinedi. Bir jeke tulǵanyń jalpy somasy 3 ETJ-den asatyn, ıaǵnı 255 myń teńgeden asatyn kelesi úsh aı ishinde aı saıyn 100 jáne odan da kóp túrli tulǵalardan bank shotyna aqsha qarajatyn alýy táýekel ólshemsharty bolýy múmkin.
Trendtegi Qazaqstan
Qazaqstan keıingi jyldary sheteldik týrıser úshin trend baǵytqa aınaldy. Muny elimizdiń týrızmi týraly álemniń iri basylymdarynda jaryq kórip jatqan aqparattardan da baıqaýǵa bolady. Jýyrda amerıkalyq áıgili Travel+Leisure jýrnalynyń Ońtústik-SHyǵys Azıadaǵy bólimshesi Qazaqstan týrızmi týraly sheteldik saıahatshylarǵa arnalǵan nusqaýlyq jarıalady. «Ne isteý kerek, qaıda turý kerek jáne qandaı taǵamdar bar: Qazaqstan boıynsha eń úzdik marshrýt» dep atalatyn reportajda kóptegen qyzyqty málimet jarıalanǵan. Tipti, atalǵan maqalanyń mazmuny el turǵyndarynyń da qyzyǵýshylyǵyn týdyrdy.
«Jaraly sezimderdiń» jalǵasy
17 jyldan soń rejıser Erkin Raqyshev fılmniń ekinshi bólimin túsirdi. Fılmniń jelisi boıynsha, sol kezdegi ǵashyqtar – Qanat pen Araıdyń balasy Azamat eseıip, esirtkige táýeldi bolady. Ózi de ony satýmen aınalysady. Kafede kezdestirip qalǵan qyzǵa ǵashyq bolady. Oqıǵa osy jerden bastalady. Fılmnen kórermen Qanat, Ivan, Sokrat syndy keıipkerlerdi somdaǵan akterlerdi qaıta kóre alady. Fılm 22 aqpannan bastap barlyq kınoteatrdan kórsetiledi.
«Avatarıadan» abaı bolyńyz!
Almatyda alty jasar bala aǵalarymen birge oıyn-saýyq kesheninde batýtta kóńil kóterip, jasyrynbaq oınap júrip, shahtaǵa qulap ketken. Ábdirahmannyń ata-anasy segiz jyl kútken ulynan aıyrylyp qala jazdady. Bala «Avatarıa» oıyn-saýyq kesheninde shahtaǵa qulap, jaraqat alyp, bashpaılary synǵan. Mıy shaıqalyp, qoltyq astyndaǵy bulshyqetterine zaqym kelgen. Ol bir aı boıy júre almaı, múgedekter arbasynda otyrdy.
Tili quryǵan halyq
Álemde ár eki apta saıyn bir til joıylyp otyrady. 1999 jyly 17 qarashada IýNESKO-nyń Bas konferensıasy jarıalaǵan Halyqaralyq ana tili kúni (International Mother Language Day) 2000 jyldan bastap jyl saıyn 21 aqpanda tildik jáne mádenı ártúrlilik pen kóptildilikke yqpal etý maqsatynda atap ótiledi.