QR prezıdentiniń kómekshisi – baspasóz hatshysy Rýslan Jeldibaı málimdeýinshe, AQSH prezıdenti Donald Tramp Qazaqstan prezıdenti Qasym-Jomart Toqaevty jáne Qazaqstandy Álem keńesine shaqyrdy, dep habarlaıdy aqshamnews.kz
Rýslan Jeldibaıdyń aıtýynsha, prezıdent Donald Tramptan Memleket basshysynyń atyna resmı shaqyrý kelip tústi. Buǵan deıin birqatar eldiń basshylary mundaı shaqyrý alǵanyn málimdegen edi.
"Qasym-Jomart Toqaev dúnıe júzi kóshbasshylarynyń arasynda alǵashqylardyń biri bolyp Álem keńesi quramyna kirýge, al elimiz atalǵan uıymnyń quryltaıshylarynyń biri bolýǵa resmı shaqyrý aldy. Memleket basshysy AQSH Prezıdentine hat joldap, shynaıy rızashylyǵyn bildirdi jáne jańa birlestiktiń quramyna enýge kelisetinin jetkizd", – dep habarlady prezıdenttiń kómekshisi.
Sonymen qatar, Rýslan Jeldibaıdyń aıtýynsha, prezıdent Qasym-Jomart Toqaev Qazaqstannyń Taıaý Shyǵysta beıbitshilikke qol jetkizýge, memleketaralyq senim men jahandyq turaqtylyqty bekitýge úles qosýǵa nıetti ekenin rastady.