Almaty qalasy polısıa departamentinde aqparattyq saıasat, qyzmettik tártip jáne jeke quram arasynda zańdylyqtyń saqtalýy máselelerine arnalǵan qorytyndy keńes ótti.
Jıyndy Almaty qalasy PD bastyǵynyń orynbasary Ádilǵoja Qusaıynov júrgizdi, - dep habarlaıdy aqshamnews.kz.
Keńes barysynda ótken kezeńdegi jumys nátıjeleri qaralyp, qyzmettik tártipti buzýdyń tıptik jaǵdaılary taldandy. Sondaı-aq jaýapty, kásibı jáne zań talaptaryn múltiksiz saqtaıtyn polısıa ortasyn qalyptastyrýǵa baǵyttalǵan negizgi tásilder aıqyndaldy. Barlyq deńgeıdegi basshylardyń óz bólimshelerindegi tártiptiń jaı-kúıi úshin jeke jaýapkershiligine, quqyq buzýshylyqtardyń aldyn alýǵa, qyzmettik adaldyqqa jat kez kelgen áreketke tózbeýshilik qaǵıdatyn qalyptastyrýǵa erekshe nazar aýdaryldy.
— Tártip — bul formaldylyq ta, statısıka da emes. Bul — kúndelikti qyzmetke, adamdarǵa jáne zańǵa degen kózqaras. Árbir basshy tek kórsetkishter úshin ǵana emes, óz qaramaǵyndaǵy qyzmetkerlerdiń tártibi úshin de jaýap beredi. Júıe ishindegi kez kelgen zań buzýshylyq azamattardyń polısıaǵa degen senimin álsiretedi. Sondyqtan zańdylyq qaǵıdaty barshaǵa birdeı, eshbir ereksheliksiz oryndalýy tıis, — dep túıindedi Ádilǵoja Qusaıynov.
Keńes qorytyndysy boıynsha qyzmettik quqyq buzýshylyqtardyń aldyn alýdy kúsheıtýge, basqarýshylyq jaýapkershilikti arttyrýǵa jáne polısıa qatarynda turaqty zańǵa baǵyný mádenıetin qalyptastyrýǵa baǵyttalǵan naqty tapsyrmalar berildi.