Bahreınníń Manama qalasynda ótken WTT Youth Contender turnırínde Qazaqstan qūramasy úlken jetístíkke qol jetkízdí. El sportshylary úsh medalge ıe boldy, - dep habarlaıdy Aqshamnews.kz.
QR ŪOK málímetínshe, U11 jas sanatyndaǵy qyzdar arasyndaǵy jekeleı saıysta Adel Veber kúmís júldení jeńíp aldy. Al U19 jas sanatynda aralas jūptyq jarysta qazaqstandyq sportshylar Qadyrǵalı Qabdyluahıtov pen Nūrıslam Qasym qola júldege ıe boldy.
Qabdyluahıtov jarysta Qytaılyq Taıbeı qūramynan U In Syuanmen, al Qasym Pee Yu-Hanmen jūptasyp óner kórsettí. Būl nátıjeler Qazaqstannyń jas sportshylarynyń halyqaralyq deńgeıdegí básekege qabílettílígín taǵy bír dáleldedí.